影片
更多
2019-10-09
52 浏览
今次試完，係生日一定要指定再黎多次！今日係油麻地想打邊爐，又唔想食任食，經過呢間鋪，見到佢個海鮮鍋幾吸引，所以就入去試下，質素真心唔錯。1. 湯底當然係揀左個海鮮鍋啦海鮮鍋280蚊，裏面已經包左幾款海鮮！一隻蟹、幾隻大蝦、元貝、蜆！份量兩個人食係好夠！最驚喜係佢隻大蝦，長度片同我隻手掌差唔多長，勁多膏，成條蝦腸果個位都係橙黃色既膏黎，唔知點解可以養到咁！肉質鮮甜！好味！（食完之後出去養水缸到望，岩岩食既應該係呢種蝦，超好味！）另外呢個鍋仲有秀真菇，雞脾菇，大家可以嗌其他蔬菜啊～順帶一提，估唔到佢嘅蔬菜都可以咁鮮，啲菇直頭似係即抆起即煮比你食咁（好似今次第一次試到咁嘅菇）2.安格牛肉一盤切到開邊蝦咁擺擺得好靚，望落油花平均。但佢無平時食肥牛果種食得多會膩嘅感覺。我同朋友都覺得係新鮮肉唔係冰鮮過黎的。口感一流，肉質爽滑，如果多人黎真係叫多幾盤。3.飲品打邊爐咁熱氣梗係要叫番jar竹蔗茅根清清熱，飲落唔會死甜，係清甜解渴果種。完全係原材料煲出黎既味，同出面十蚊八蚊支無得比，比大家參考下，一jar大概有3杯。4.前菜油炸鬼釀墨魚呢味前菜炸到勁香口，咬落去唔會有油浸出黎，完全脆卜卜！配甜酸醬食夠
今日係油麻地想打邊爐，又唔想食任食，經過呢間鋪，見到佢個海鮮鍋幾吸引，所以就入去試下，質素真心唔錯。
1. 湯底當然係揀左個海鮮鍋啦
海鮮鍋280蚊，裏面已經包左幾款海鮮！一隻蟹、幾隻大蝦、元貝、蜆！份量兩個人食係好夠！最驚喜係佢隻大蝦，長度片同我隻手掌差唔多長，勁多膏，成條蝦腸果個位都係橙黃色既膏黎，唔知點解可以養到咁！肉質鮮甜！好味！
（食完之後出去養水缸到望，岩岩食既應該係呢種蝦，超好味！）
另外呢個鍋仲有秀真菇，雞脾菇，大家可以嗌其他蔬菜啊～順帶一提，估唔到佢嘅蔬菜都可以咁鮮，啲菇直頭似係即抆起即煮比你食咁（好似今次第一次試到咁嘅菇）
2.安格牛肉
一盤切到開邊蝦咁擺擺得好靚，望落油花平均。但佢無平時食肥牛果種食得多會膩嘅感覺。我同朋友都覺得係新鮮肉唔係冰鮮過黎的。口感一流，肉質爽滑，如果多人黎真係叫多幾盤。
3.飲品
打邊爐咁熱氣梗係要叫番jar竹蔗茅根清清熱，飲落唔會死甜，係清甜解渴果種。完全係原材料煲出黎既味，同出面十蚊八蚊支無得比，比大家參考下，一jar大概有3杯。
4.前菜油炸鬼釀墨魚
呢味前菜炸到勁香口，咬落去唔會有油浸出黎，完全脆卜卜！配甜酸醬食夠開胃
我地仲嗌左娃娃菜，響鈴，菇，2個人食都好夠食啦，因為個鍋本身真係豐富。
食到咁上下記住較番細個火等啲海鮮精華慢慢煲，食到最後飲返，勁鮮甜啊！
另外一提，老闆落手落腳做，主動幫我地較大細火以免d海鮮煮到老晒，又幫我地推廌食咩好，份人十分nice！見到生日黎有9折優惠，決定過多幾個月再黎過😂😂
今天約了朋友在油麻地吃火鍋，大家同意找一間不是吃到飽的火鍋店來吃，最後被這間門口的招牌和他的養海鮮缸吸引了所以
张贴
