影片
更多
2024-01-11
927 浏览
當大家都係聖誕節北上消費，我依然留港消費。其實係香港依然可以搵到平靚正食店。舊時，一到大時大節，香港食店都會大大提價，最少貴平日2-3成，仲要唔愁無客，要排長龍，但當香港人北上成自然，香港食店都要諗下計留客。事前就打去湊湊火鍋，睇下聖誕期間仲有無平時二人餐可以叫，以為無提供之際，要散叫，估唔到係有提供，但改名叫聖誕套餐，而個價錢就比平時貴左$100，但就送多左兩杯飲品。因為我老婆係火鍋控，見聖誕無乜加價，就即刻網上訂位，本身個套餐，我地兩個都食唔晒，咁點可以將個套餐再超值化，提高性價比，就係叫埋外甥女一齊食，費用都只係加多幾十。湊湊火鍋吸引我老婆之處，有好幾個1. 叫臺式麻辣鍋，可以無限添加鴨血同豆腐，真係唔飽都可以食到你飽，仲要質素唔錯。2. 設有小食區，可以任夾魚皮、炸番薯球、生果。3. 另外，個肉燥飯可以任裝，質素唔差得過係台灣。基於以上原因，我同我老婆時不時都會黎食。但今次有個比較失望一樣野，就係平時食開紅顏花膠雞鍋無晒，但我地個日係八點鐘入席，已經咁早賣晒，失望之下唯有被迫試下另一個湯底，番茄牛膝骨鍋，雖然味道還可以，但更加令我覺得紅顏花膠雞鍋係
因為我老婆係火鍋控，見聖誕無乜加價，就即刻網上訂位，本身個套餐，我地兩個都食唔晒，咁點可以將個套餐再超值化，提高性價比，就係叫埋外甥女一齊食，費用都只係加多幾十。
湊湊火鍋吸引我老婆之處，有好幾個
1. 叫臺式麻辣鍋，可以無限添加鴨血同豆腐，真係唔飽都可以食到你飽，仲要質素唔錯。
2. 設有小食區，可以任夾魚皮、炸番薯球、生果。
3. 另外，個肉燥飯可以任裝，質素唔差得過係台灣。
基於以上原因，我同我老婆時不時都會黎食。但今次有個比較失望一樣野，就係平時食開紅顏花膠雞鍋無晒，但我地個日係八點鐘入席，已經咁早賣晒，失望之下唯有被迫試下另一個湯底，番茄牛膝骨鍋，雖然味道還可以，但更加令我覺得紅顏花膠雞鍋係好食好多。
聖誕套餐包左兩種肉類(四選二)，我地就揀左伊比利亞豬肉、美國特選牛小排。海鮮(三選一)就揀左基圍蝦。丸類(三選一)，就揀左好cute企鵝丸。蔬菜就揀左蒿荀，但點知最後等左好耐都無上，問多幾次，原來無晒，就揀左金針菇。飲品今次包埋，兩杯都揀左阿華田珍珠奶茶，點知中左伏，只可以話唔岩我地口味，下次送都唔會飲。講返火鍋配料，都好新鮮，同個火鍋湯底好夾。最後我地三個人，都食到飽一飽先走。聖誕節埋單，每個人都只係三百大元，唔算貴，但當然都唔算平，但價錢好合理。
张贴
