鴻發糕品 (已結業)

鴻發老鋪0既糕，試就試過，我覺得味道一般，仲要係濕濕地添。不過今次我想介紹0既...都係叫鴻發，不過就係前一個街口，應該係桂林街，佢係正深水埗地鐵站C出口一直出(係openrice入面搵唔到呢間野)，佢其實係一間涼茶鋪。不過，因為轉左賣糕之後，有好多人幫襯，而家佢有一大半0既鋪位留左賣糕。 我出親去深水埗，都會幫襯佢，必買0既係紅豆糕($5/2件)。食第一次0既時候已經好有驚喜，因為我發現佢0既紅豆糕入面加左果皮，仲要係份量唔少(唔中意食果皮0既朋友未必岩你0既心水lu...)當我食第一口時，已經好香，口感係我中意0既類型，唔彈牙，幾好'每'(我都幾肯定佢冇加到魚膠粉)。因為份量唔細，食晒成份都幾漏，哈，又係當lunch~.~有一次想買砵仔糕時，佢只係得迷你size，一買要買$5/7個，所以就無買黎食。又有一次要左$5，一件紅豆糕，一件係白糖糕。白糖糕口感好好，彈牙，唔酸；不過就甜左d。佢仲有一樣必殺技，就係綠豆餅。超好食，d餡溝左少少奶(我估)，因為都幾滑而有d奶味，甜左少少。我最欣賞係外面層皮，好薄好薄0既酥皮，入面真係有綠豆蓉。有時忍唔住，真係會買$5/2個，食左先算。