素一 (已結業)

一直以為素食就係等於食得勁清淡 原來唔係 原來仲有好多野簡 所以今日就同朋友兩個黎見識一下一坐低佢已經放低左匙羹同埋筷子係枱 你唔需要特別自己去拎 中式食物方面 有紅糙米飯 豉油王炒麵 豉油王炒河 煙肉雲耳炒沙葛 南乳炒藕 欖菜四季豆 淮山茶樹菇炒青瓜 同埋清炒菜心  特別推薦蓮藕片 炒得特別入味同埋爽口 每一塊都沾上南乳汁 好味道另外仲有豆卜炆冬瓜同埋麻婆豆腐 仲有烚粟米🌽同蕃薯🍠 仲有炒椰菜同上海娃娃菜 值得一齊喺佢仲有個沙律吧 所有沙律菜好新鮮 旁邊仲有個特別嘅xo醬 我以為食沙律只可以加醋加沙律醬汁 但係估唔到係加xo醬係別有一番滋味炸物方面仲精彩 有炸茄子 秀珍菇 芝麻球 南瓜餅饅頭 腐皮卷 春捲 仲有個蘿蔔糕 最好食係個南瓜餅 煙煙韌韌同埋有啲紅豆餡 一啲都唔甜可以食多幾個 另外芝麻球粒粒都報滿芝麻香 仲有秀珍菇炸得皮脆肉嫩多汁 同台灣夜市食到嘅差唔多 值得一試  另外我試咗一隻豬形嘅包仔 係朱古力味 仲係熱辣辣 不過味見流心效果 但可以一試日式食物有素壽司 支豆 凍芝麻醬豆腐 凍烏冬 卷物用上素蟹柳 青瓜同埋玉子口感食落同加州卷一模一樣 三文魚用上蒟蒻 煙煙靭靭扮三文魚