番本日式放題 (已結業)

今日收工落雨濕濕，幫一個朋友慶祝生日，一早book定哩間放題！有梅酒飲，凍冰冰，酸酸甜甜好爽,不過第二日要番工唔敢飲咁多！刺身新鮮，鮮甜，乾淨，至少第二日都無肚痛！食左2round！牛油炒帶子好香牛油味，粒粒都大大粒，仲有雜菌伴炒！第一次放題食蒸氣鍋, 試埋呢個蒸鍋，今次仲唔飽？蝦大大隻，不過帶子就細左d,蟲草蒸雞好滑好入味，我地成個menu都叫3份，食完都飽！竟然有人參雞湯飲，人參味唔算濃，都唔算多雞油，清清地，飲落幾舒服！餐廳有任飲果汁汽水茶，同埋雀巢雪糕/糯米糍，200蚊左右真係算係咁！食物質素平均中上，當然唔可以同高級居酒屋比，但同朋友聚會大吃一番都係一個唔錯既選擇！