每個月一次嘅放題就真係走唔甩㗎啦！😂其實而家放題店係喺旺角依度重新開幕，😗以前都係食過一次，不過嗰陣時都係好耐以前啦！😌
我哋訂咗七點鐘，雖然係平日嘅晚上，😜但係呢度人流真係非常之多！😗不過店員嘅效率真係好高！🤪
2
入到去，真係覺得呢度嘅空間感好足夠，😍自助區域上面嘅食物選擇都好多，😛甜品雪糕飲品應有盡有，不過我又點會只係喺自助區度拎嘢食呢？😎
食放題嘅指定動作，梗係要食呢度嘅刺身啦！🤓呢度嘅刺身真係好新鮮，😊除咗有一般嘅甜蝦牡丹蝦同埋三文魚之外，😇仲會有松葉蟹腳，非常之鮮甜，而且都係啖啖肉！😚三文魚都令我有驚喜，因為佢係近三文魚腩嘅部位！😛
鍾意食海鮮嘅朋友仔，🥸真係唔可以錯過呢度嘅避風塘軟殼蟹，非常惹味，🤩而且蟹嘅份量都有一整個！🥳
1
皇牌燒乳鴿王，😏自從知道放題有得任食乳鴿，我就開始對乳鴿着迷！🤓每次都要食返半打先足夠！😤
呢度仲會有金蒜蓉粉絲蒸扇貝同埋川燒珍寶鮮蠔燒，🤩可以瘋狂食燒蠔，真係好爽！🥳麻麻辣辣嘅感覺， 其實都相當開胃！😳
突然之間嚟咗一個有鮑魚又有花膠嘅煮物，🫣原來係朋友嗌咗一個金湯慢煮吉品干鮑魚花膠盛，🤭呢個花膠真係好嫩滑，😳估唔到放題都可以任食鮑魚！🤫等我都即刻嗌多幾個補補膠原蛋白，同埋享受吓鮑魚自由嘅感覺先！😏
講真我真係好鍾意呢度嘅燒香草羊鞍，😜我記得以往都係用檸檬做伴碟，😝今次用咗黃芥末，所以令到羊肉嘅味道更香！😚
自助區入邊嘅甜品，😌其實都幾豐富，😉我最鍾意嘅就係呢個脆皮泡芙，🥰咬落去，真係會有爆餡嘅感覺！😛
去到最後嗌咗脆皮鮮奶，金黃外脆內軟， 仲有好香嘅奶香味道啊！
飲品嘅部份，除咗有一般嘅紙包飲品同埋罐裝飲品之外，仲有佢哋嘅樽裝冷泡茶，我幾鍾意佢哋嘅花茶！
🌕最後MoonMoon真係好滿意呢間日式放題餐廳，食物比我想像中多，而且成餐飯都冇漏單嘅情況出現，重點係上菜效率，真係好高，咁就唔使餓着個肚等啦！🌕
