はま寿司

营业中

休息中

見今期有蟹祭，款式多，價錢又親民，即去食啦。好多款蟹肉壽司，松葉蟹大肉棒，啖啖肉，質感嫩滑。爪下肉較扎實好咬。蟹肉絲口感都幾好。特大松葉蟹腳，好大隻，蟹肉濕潤味道濃郁，好味抵食。松葉蛋茶碗蒸，蛋味濃，質感滑溜，加蟹肉同三文魚籽更鮮味。大拖羅，油花靚，超級肥美，魚油豐富，滿足魚脂香，入口即溶的感覺。吞拿魚三味，有齊赤身、中拖、拖羅蓉。赤身魚味重，中拖油脂剛好，魚味突出。拖羅蓉入口即化魚油甘香，味道久久不散，令人回味。三文魚三味，都夠肥又油潤，不過個人麻麻地炙燒，雖然魚油更香更明顯，但應該熟左個面會令口感唔夠嫩滑。今期仲有士多啤梨特飲及兩款甜品，食左呢個士多啤梨芭菲杯，有粟米片、蛋糕及cream，士多啤梨果肉同桑莓果肉都酸酸甜甜好正，配埋士多啤梨雪糕，味道好清新。