柞木炭家

营业中

休息中

主打韓燒嘅柞木炭家又有新產品喇，一坐低先有好多韓式小菜儀式感滿滿。今次嘅日本產和牛肩肉盛盒，有三款不同部位。可以飯到牛肉唔同部位嘅質感同特色，油花分佈均勻，入口即溶，肉味濃郁而不膩。呢度嘅火力好夠，能夠快速將表面燒香同時保持中心嘅嫩度🥰除咗和牛，新推出嘅燒鵝肝多士同蔥燒厚切牛舌相當深刻。來自匃牙利嘅一級鵝肝質地細膩，配上多士脆口同無花果醬中和膩度。厚切牛舌軟韌適中，中間包裹住嘅蔥吸晒牛油香同炭火香，成件事即刻昇華咗🤤同樣係新品之一嘅牛骨髓石頭鍋飯原條上好澎湃，表面少少脆口加上好似啫喱質地嘅骨髓濃郁，配埋飯焦幾好食👌🏻韓式泡菜煎餅外脆內嫩，酸辣開胃，係平衡整餐嘅好選擇；醬油蝦新鮮肥美，醬汁香濃帶辣增添鮮味。