茶木‧台式休閒餐廳 (已結業)

尋日同好同事食午餐，台灣癮起，同事就提議食茶木喇!! 茶木之前食過佢午餐，質素都唔錯，滿心歡喜期待台式午餐。餐牌轉左喇，可以試下新嘢!叫左鳳梨豆乳肉排配肉燥麵。茶木自選午餐都幾好，有前菜食，又可以揀配咩飯麵，啱哂想試多啲嘢嘅客人。肉燥麵好味，麵質好似刀削麵，麵質彈牙，不錯不錯! 可惜嘅係鳳梨豆乳肉排個味道真的比較奇怪，鳳梨同豆乳個味唔多夾，好彩肉排肉質都嫩，後悔揀左呢個新口味呢....同事嘅柑橘爐魚柳都比較遜色，柑橘味道比較淡，如果更酸更濃會更好。凍紅豆薏米水真材實料，味道淡淡地，少少甜! 下次要揀排骨先!!!