有口福

营业中

休息中

今天整天都落雨，公司又冇乜野做，同事提議去九龍城食酸菜魚，佢話打鼓嶺道有一間川菜館，名叫有口福，食過抵食又好味，今晚就帶我去試試！酸菜魚(少骨) ：首先說說個湯汁，主要用上酸菜和多款配料及調味煮成，味道酸中帶微辣，魚已起肉，大大片魚肉差不多完全冇骨，而且份量也不少，魚肉吸收了湯汁的精華，口感滑溜又鮮味！香辣雞煲(少辣) ：半隻雞用上大量配料和特製濃郁的醬汁煮成，而且辣度可以選擇，我選了小辣，上枱用火熱住食，雞肉鮮嫩又入味，香中帶少辣，相當惹味！樟茶鴨 ：先將鴨鹵水再煙燻，之後將鴨炸至皮脆，鴨肉入味有口感。藍妹：有美食當然要啤一啤。