影片
更多
2017-12-15
2072 浏览
同朋友一早約好，去非常火熱既琥酌食晚餐！要早d訂位呀，晚市幾旺㗎！餐廳環境有日本feel，燈光帶點昏暗，有卡位！坐低之後望下餐牌，呢度主打吉列牛，套餐有三款：極上牛吉列御膳、霜降牛吉列御膳和牛吉列御膳。我地第一次嚟，所以揀咗個價位相宜d嘅牛吉列御膳$188，係美國安格斯肉眼！我地仲點咗少少前菜，有枝豆同味噌松葉蟹蓋！蟹蓋上面有好多蟹膏蟹肉，又有黑魚子，食落去有鹹香味！好鮮！我加少少白飯撈嚟食，超正呀！牛牛套餐到啦！有味僧湯、一隻溫泉蛋、白飯、漬物、龍蝦薯仔沙律同主角吉列牛！龍蝦薯仔沙律幾特別，咸咸地又有龍蝦肉！附有三種醬汁柚子，芥末，燒汁！另外仲有wasabi，岩鹽，柚子胡椒！一定有適合自己的口味！細細既鐵板仔，將炸咗半生熟嘅吉列牛自行燒一燒，店員介紹每邊燒20秒就食得，亦都可以自己掌握想食嘅熟度！加一隻日本溫泉雞蛋去配飯食，就咁食都得！個飯都幾特別，米入邊有d豆，感覺幾健康！牛本身牛味好重，牛嘅質素又唔錯，外脆內軟，肉質嫩滑！整體價錢合理，味道又好，可以一試啊！下次試下另外兩個set先！
要早d訂位呀，晚市幾旺㗎！
餐廳環境有日本feel，燈光帶點昏暗，有卡位！
坐低之後望下餐牌，呢度主打吉列牛，套餐有三款：
極上牛吉列御膳、霜降牛吉列御膳和牛吉列御膳。
我地第一次嚟，所以揀咗個價位相宜d嘅牛吉列御膳$188，係美國安格斯肉眼！
我地仲點咗少少前菜，有枝豆同味噌松葉蟹蓋！
蟹蓋上面有好多蟹膏蟹肉，又有黑魚子，食落去有鹹香味！好鮮！我加少少白飯撈嚟食，超正呀！
牛牛套餐到啦！有味僧湯、一隻溫泉蛋、白飯、漬物、龍蝦薯仔沙律同主角吉列牛！
龍蝦薯仔沙律幾特別，咸咸地又有龍蝦肉！
附有三種醬汁柚子，芥末，燒汁！
另外仲有wasabi，岩鹽，柚子胡椒！
一定有適合自己的口味！
細細既鐵板仔，將炸咗半生熟嘅吉列牛自行燒一燒，店員介紹每邊燒20秒就食得，亦都可以自己掌握想食嘅熟度！
加一隻日本溫泉雞蛋去配飯食，就咁食都得！
個飯都幾特別，米入邊有d豆，感覺幾健康！
牛本身牛味好重，牛嘅質素又唔錯，外脆內軟，肉質嫩滑！
整體價錢合理，味道又好，可以一試啊！下次試下另外兩個set先！
张贴
