HABITŪ table (希慎廣場) (已結業)

上個禮拜趁住放假，去銅鑼灣誠品行下打下書釘，行到咁上下就叫埋老豆一齊黎食個飯。初頭見到門口無人排，諗住唔使等，點知行入去見到幾張吉枱但侍應們話未入得住，咁無所謂就等下啦。等左五分鐘都好似無人記得我咁，又唯有走入去問，侍應又係示意係出面等一陣，但依我所見佢地唔係真係好忙(我一路望住佢地做緊乜但睇唔到，因為佢地唔係做緊野囉) 。再等左一陣，終於入得去，點左兩個主食，而到點餐完左之後，我都感覺唔到有服務，就似間茶記既態度 主食叫左個豬柳，二百蚊度，幾有驚喜因為煮得好juicy好有味道，加上配菜都好多(呢張圖未必影到)，啲薯仔焗得好好食。份量都適中！值得推介 但唔係呢間分店叫左個蝦意粉，都唔錯但性價比一般 差唔多百五蚊最後加左杯玫瑰咖啡 ，都唔錯。