影片
港铁铜锣湾站 F2 出口
继续阅读
开饭介绍
caffè HABITŪ the table是一间悠闲舒适、富时尚型格的意式精品咖啡店餐厅，并一直以意大利人对生活饮食讲究的严选态度作为服务宗旨。caffè HABITŪ精心挑选优质的自家调配烘焙咖啡，弥漫著独特的幽香，并且含丰富的层次和口感。店舖环境优雅，洋溢著简约的欧陆风味，正正反映了品牌尤其著重意大利人热情、富活力和对生活讲究的态度。
继续阅读
特色
饮o野倾计
附加资料
无肉餐单详情: 逢星期一提供多款素食菜式，另每天供应少量素食菜式。
营业时间
星期一至日
11:00 - 22:00
以上资料只供参考，请与餐厅确认详情
食家推介
相关文章
今日收工去铜锣湾Hysan Place嘅Habitu，体验一下佢哋嘅法式风味！话说呢间餐厅环境真系几有格调㗎！📸 (唔记得Selfie 㖭) 柔和嘅灯光, 简约时尚嘅设计, 配上轻柔嘅背景音乐, 真系好relaxing, 好适合同朋友慢慢叹吓嘢倾吓计。虽然座位之间嘅空间可能略嫌局促少少, 但整体气氛依然舒适😌。先讲讲食物! 我哋叫咗佢哋嘅招牌菜—烧猪鞍同埋百里香柠檬煮日本蚬。先嚟个主角—烧猪鞍! 卖相一流, 金黄色嘅猪鞍皮, 香脆可口, 肉质鲜嫩多汁,配上香浓嘅酱汁同埋薯条, 简直系完美组合! 😋 不过, 可能因为我哋嘅要求比较高, 觉得猪鞍略嫌干了一点, 但整体味道依然不错!至于呢个百里香柠檬煮日本蚬, 真系要畀个like👍🏻! 蚬肉鲜甜肥美, 汤汁嘅味道恰到好处, 酸酸甜甜, 带有淡淡的百里香香气, 令人回味无穷! 我哋仲叫咗个炒磨菇同菠菜做配菜, 味道都唔错, 清爽解腻🍄🥬。服务方面, 侍应嘅态度非常友善专业, 笑容可掬，令我哋感觉宾至如归😊! 价格方面, 整体而言系合理嘅, 毕竟地点系铜锣湾Hysan Place嘛!总括嚟讲, Habitu 嘅环境同食物都几夹, 系一个适合朋友聚会或者情侣约会嘅好地方💖! 如果可以改善猪鞍嘅湿润度就更加完美啦！Dr. Martin's Rating: ⭐⭐⭐⭐ (4.5星)推荐指数: 强烈推荐! 想体验一下舒适环境同高质法式菜式嘅朋友, 不妨去试吓！建议改进: 可以考虑调整烧猪鞍嘅烹调时间, 令肉质更加湿润。
继续阅读
星期六嘅下午，同男朋友铜锣湾shopping，行行吓觉得有啲攰，专登上嚟谂住饮杯咖啡食件cake。咖啡嘅卖相系唔错，一如既往好饮嘅。不过，可能因为系周末嘅关系，店外诚品嘅人流比较多，令到餐厅内环境都几嘈吵，倾偈都有啲困难，坐得唔系好舒服。另外，职员嘅服务都不太主动，整体来讲我觉得去其他分店比较好，蛋糕叫左抹茶opera同朱古力蛋糕，味道系正常，亦唔特别推介所以冇影相。就系咁，匆匆忙忙咁食完饮完就走了。
继续阅读
今日放假，可以约啲朋友食个HEA LUNCH，出边天气实在太热，都系响商场入邉揾食最好。蒜香虾薄PIZZA ($168) 比想像中好食。虽然无CRUST， 个底焗得几脆，就算放咗廿分钟之后都仲脆，啲虾都无欺场，真系全部原只大虾，用手食啱啱包住一件一只，加埋夹住大量火箭菜，轻盈得黎唔肥腻。蟹饼柚子酱 ($118)，三个人三件，一人一件。望落去件头唔大﹐不过蟹肉都几多，而且佢唔系炸，无咁油。日本蚬柚子胡椒意粉 ($158)，我系好钟意食柚子胡椒嘅，所以我觉得佢唔系好够柚子胡椒味，但我啲朋友就话OK，唔会太辛辣。要赞下啲蚬，厚身，嫩，仲有少少海水味，但系无咩入到柚子胡椒味。三重芝士香草肠阔蛋面 ($128)，个牛肉烧汁底几好食，仲隐隐有阵酒香。芝士有拉丝，虽然料唔多，味道唔错，算系偏浓味﹐所以啱我。两个朋友最后食埋个心太软 ($78)，一人一半（我唔食）；目测少少流心，味道佢地话普通心太软，无咩特别。其实有叫咖啡饮，不过饮完先记得未影相… 我𠮶杯系橙香iced americano，之前响其他地方饮过，哩度都几好饮，钟意佢甜酸苦味出奇地夹。佢啲嘢食普遍轻盈，碟头唔大，CAFÉ食物，系啱女仔食啲，味道中上，服务唔错，仲会行过黎换下碟。环境都几好，舒舒服服倾下偈﹐最后坐足两个钟，都唔会赶人走。
继续阅读
星期日到Habitu食午餐，我们散点菜式，再点饮品，我们点了香草大虾扁意粉，蒜香青口意粉，蒜香虾薄饼，柚子蜜糖鸡翼，甜品点了可丽饼。饮品要了奶茶、咖啡及冻果茶。大虾意粉虾有腥味，味道一般。薄饼鸡翼正常发挥。冻果茶比咖啡贵，但外观及味道都无特别。食完咸点再吃甜点，服务员没有主动换碟，服务都是一般。
继续阅读
见到社交网站广告，Habitu同诚品书店推出联乘Menu「文学在餐桌」，咁我就同一样好钟意睇书嘅侄仔专登约出去铜锣湾食，点知非常失望。7点半左右，见到店内得返高台，我年纪有返咁上下就紧系坐唔到，好彩店外仲有几个位，系就系焗啲同叫店小工冇咁方便，但算啦，因为本身最想都系支持文学。我地叫左两个套餐，只系主食唔一样。个汤系杂菜汤，同普通快餐店的冇咩分别，只系用咗个咖啡杯黎装叫做高级啲。沙律都系冇特别，都系菜呀芝士粉咁，应该系同文学冇特别关系。点知呢，呢个时候竟然上咗饮品……我同侄仔真系哭咗，好后悔冇专登提店小二等到甜品先上。我介绍侄仔加钱饮佢地果个特色招牌焦糖咖啡，佢觉得好饮嘅。我就要咗黑咖啡，味道都几淡，好啱怕苦的人。主菜一：软壳蟹蟹肉意大利烩饭唔知系咪本人食开cheap野，咬唔到蟹肉，果个软壳蟹只系食到面粉。本人都唔知咩系正宗意大利烩饭，我就当佢系硬少少嘅白粥咁食，都冇话唔得嘅。主菜二：茄子芝士蕃茄酱意大利手工猫耳粉啲酱好酸呀，好啱钟意食酸味嘅朋友。食食下，侄仔顶唔顺，醒起可以问店小二拎黑椒，店小二就比咗支唔系grind嘅黑椒粉，但食多两啖，侄仔就话唔食喇，佢话捞埋sour cream，好似呕吐物味道。因为本人好耐冇呕过，已经忘记了呕吐物味道，所以就可以食埋侄仔唔食嘅得意猫耳粉。去到甜品，真系首尾呼应，又系用咖啡杯装，甜品个名叫玫瑰士多啤梨芭菲。个雪糕球唔系云呢拿味，系益力多味。呢个甜品系酸味多过甜味，因为士多啤梨片同蓝莓都系非常酸，应该啱孕妇口味。侄仔就话玫瑰花瓣同块叶阻住佢食野，我就叫佢唔好嫌三嫌四。我见到侄仔黑晒面，话要去诚品睇书，于是好快就埋单啦！记得呀，诚品会员呢个餐单有八折，盛惠$389，但店小二话佢地同诚品唔同公司，所以冇得诚品会员储分。我同侄仔最失望的系，食完都唔知边忽同文学有关，Menu冇解释，侄仔催促我举手问店员，我同侄仔解释，唔好阻人做野！最后提提大家，出面的台都几细，唔系好够位放得晒啲碟，做客人要醒爬，帮下店小二，自己食完叠好杯碟，等店小工送食物黎时，方便店小二收走食完的杯碟，唔系佢地就放唔到新食物～～
继续阅读