影片
更多
2010-03-24
113 浏览
聽同事講間餐廳唔錯，就揾個星期六同老公去試吓啦，點知食完背脊骨落，由坐低嗰一刻開始，就令我覺得唔冧……1. 我哋兩點鐘去到，個侍應就安排我哋坐鐵板燒bar枱最靠牆嗰兩個位，因為幅牆喺我右手邊頂住我，見隔離仲有三個空位，間舖又唔多人，我哋就跳咗第一個位唔坐，坐第二&第三個位。於是，我哋嘅右手邊有一個空位，而左手邊有兩個空位……唔過十秒，就聽到後面個冇禮貌嘅短髮黑面侍應喺對講機話︰ “個客跳咗個位喎，宜家冇得三個位喇！係呀，跳咗一個位呀”。我當時覺得佢好奇怪，間餐廳反正唔full，如果佢真係有booking，可以同我哋解釋，唔需要企喺我哋後面故意用對講機講，去講說話俾我哋聽囉。冇惡意的話，佢應該行遠啲講，唔好俾啲客(即係我哋)聽到，令我哋不安同尷尬。最後，跟本佢就冇三位嘅booking，做啲無聊嘅小動作，不知所謂。2. 一開始睇個menu，個黑面侍應走過嚟，好冇禮貌同好快咁話︰“我哋有二人餐同一人餐，二人餐有鮑魚或者龍蝦，你哋要快少少揀喇，我哋每日下晏都收三點，你哋宜家都好趕喇。” 睇嚟，係個侍應趕住收工(落場)多啲喎，如果佢真係趕住收工，可以唔俾客入，可以選擇完全唔做我生意，唔好喺我一
1. 我哋兩點鐘去到，個侍應就安排我哋坐鐵板燒bar枱最靠牆嗰兩個位，因為幅牆喺我右手邊頂住我，見隔離仲有三個空位，間舖又唔多人，我哋就跳咗第一個位唔坐，坐第二&第三個位。於是，我哋嘅右手邊有一個空位，而左手邊有兩個空位……唔過十秒，就聽到後面個冇禮貌嘅短髮黑面侍應喺對講機話︰ “個客跳咗個位喎，宜家冇得三個位喇！係呀，跳咗一個位呀”。我當時覺得佢好奇怪，間餐廳反正唔full，如果佢真係有booking，可以同我哋解釋，唔需要企喺我哋後面故意用對講機講，去講說話俾我哋聽囉。冇惡意的話，佢應該行遠啲講，唔好俾啲客(即係我哋)聽到，令我哋不安同尷尬。最後，跟本佢就冇三位嘅booking，做啲無聊嘅小動作，不知所謂。
2. 一開始睇個menu，個黑面侍應走過嚟，好冇禮貌同好快咁話︰“我哋有二人餐同一人餐，二人餐有鮑魚或者龍蝦，你哋要快少少揀喇，我哋每日下晏都收三點，你哋宜家都好趕喇。” 睇嚟，係個侍應趕住收工(落場)多啲喎，如果佢真係趕住收工，可以唔俾客入，可以選擇完全唔做我生意，唔好喺我一坐低就又咁又咁，催催催！！！
3. 同時，我老公見到個二人餐有Japanese beef ，就問佢個和牛係咩牛，個黑面侍應就答︰“WAGYU 囉”，然後轉身走咗。我哋係想知道個和牛係宫崎牛、佐賀牛或松阪牛，還是係其他品種，唔係要知和牛係"wagyu"囉，做中價嘅日本餐廳，連咁嘅問題都唔識答，好唔 Pro 喎。wagyu? 我未食過wagyu咩?! 仲有呀，我哋未問完佢就走唔切，好冇禮貌，不知所謂。
4. 轉過頭，唔駛15秒，個黑面侍應又返嚟，問︰“點呀，你哋考慮完未呀？”佢完全令我覺得不安，我就好嬲咁話︰“未呀，你俾我睇多一陣先得唔得呀?!!!”佢話唔好意思，然後仲想順手收走本a la carte menu，我就話︰“本menu我仲要睇。”佢先擺返低。又一次證明佢催催催！再者，我有講過淨叫套餐、唔加其他嘢咩，我咩都未order，咁快就收menu?!翠華茶餐廳都唔會咁啦，完全冇服務可言！！！
5. 跟住，我哋叫咗個二人龍蝦餐，黑面侍應即刻話冇龍蝦，真係奇怪，明明頭先話 “二人餐有鮑魚或者龍蝦”，宜家又話冇！咁我哋咪退而求其次，要二人鮑魚餐囉，正在等食時，個侍應又走過嚟話龍蝦啱啱到，問我哋要唔要喎，於是，我哋又改返要龍蝦餐。真得意。
6. 當鐵板燒師傅將食材放喺鐵板燒枱時，我就攞相機出嚟諗住同啲食物影張相啦，個黑面侍應又突然間出現話︰“li 度唔俾影相嫁，門口已經寫咗喇！” 全香港唔係得一間鐵板燒，我有去過雲海食，人哋話晒五星級酒店內嘅高級餐廳，鐵板燒師傅都話好多客都會影相，唔會介意啦。我明白某部份餐廳會要求顧客唔好影相，但係由我坐低到等食嘅時間，都俾個侍應窒住晒，再加上如此語氣嘅服務態度，我哋未食都想走!!!
7. 終於有嘢食喇，以我食過嘅鐵板燒餐廳嚟講，鐵板燒bar枱圍住嘅，通常只會係鐵板燒師傅，但係好奇怪，黑面侍應會不時喺bar枱內嘅範圍出現，另外，清理我哋枱面嘅次數甚密，時常都喺我哋視線範圍出沒、執枱，喺我哋身邊轉來轉去，可否俾餐安樂茶飯我哋食吓呢?!
食物方面，
1. 龍蝦響螺餐 $780.00 (包括龍蝦一隻、響螺一隻、牛肉厚切、銀鱈魚兩片、炒飯、面豉湯、甜品、咖啡或茶)
2. 螢光魷魚醬油漬 $50.00
3. 鵝肝 $200
因為唔清楚個 “wagyu”係出自邊度，屬A幾和牛，都係揀咗美國牛，要medium，唯獨值得一讚係師傅做得唔錯，個牛整得啱啱好質地軟熟。而龍蝦都幾甜，散叫嘅鵝肝就好一般，螢光魷魚醬油漬就唔夠鹹，其他食物就不過不失。
總括來說，我唔會再嚟受氣，食鐵板燒除咗食物質素外，氣氛同服務態度都好重要，想食吓傾吓計又有人行來行去，食到周身唔聚財，食個午餐埋單都要過千蚊啦，嫌我哋張單唔夠貴就唔好做午市套餐囉，唔駛揾啲客出氣喎。仲話俾我知和牛係“wagyu”，真係唔話晒喇。咁急催我哋，但係2.20分都仲有新客入，咪又係要做，塊面咁燶有咩用?!
值唔值? 兩個人食埋單共$1,133，食物ok，不過食完好口渴，環境都正常，服務就……茶餐廳服務好啲喎!!!
张贴