高興 (已結業)

今日去左成業工業大廈地下間高興 Happinesssss Cafe食lunch, 真係估唔到工業大廈會有間咁正既鋪頭，一入去見到有個好似髮形屋既角落，好得意呀！真係估唔到工業大廈裡邊可以咁靚！選擇左一個對住"高興"既霓虹燈坐，未叫野食已經覺得好relax! 睇下lunch 有咩食，佢地lunch set都好多選擇，特別係飲品方面，佢有鮮果汁可以選呀！我一向出街食飯跟餐飲品都唔係太想叫，因為我平時飲水就得，好多時都係叫杯檸水，呢度有得叫鮮果汁我真係好開心呀，叫左杯蘋果菠蘿石榴羽衣甘藍汁，本來都怕個味會怪怪地，點知一飲，成個人好refresh呀！我覺得個味道調較得好好，正！食物方面叫左個小食： 蜜瓜風乾火腿串串貢，同埋就食： NZ羊架配薯菜。先講個蜜瓜風乾火腿串串貢，賣相好得意，係串住左風乾火腿同埋D蜜瓜波波，味道方面好好，蜜瓜清甜，風乾火腿鹹香，真係絕配！主食既羊架都好驚喜，叫左七乘熟，佢真係整得剛剛好。煎到剛剛好有D脆口，羊肉質地又滑又林，有肉汁，真心好好味，配既薯條本身有味，香脆可口，真係估唔到D食物可以做到咁出色！食完主菜，見佢原來有pancake, 問一問原來士多啤梨係新口味，即