影片
更多
2009-10-26
21 浏览
早排見到雜誌介紹咗好多間烏冬店，今日Lunch去開觀塘APM就試吓赤丸製麵所嘅烏冬~~~我哋兩個人一入鋪服務員就安排我哋坐喺己經有另一對男女坐緊嘅四人枱隔籬；原本張枱己經細，隔籬又一早將D調味料盤、餐牌同筷子盒放晒喺我哋果邊，搞到我哋得返張枱三成位多D，服務員又唔理，真係坐得好唔舒服~~~餐牌食物品種唔少，選擇都算多，可惜得三分一張枱即係叫我哋食少D，所以我哋只係叫咗兩碗烏冬加多一個小食：滑蛋吉列豬扒湯烏冬($38) - 豬扒明顯用咗好多粉去炸，其實都係預計之中，不過如果可以分開上唔洗俾D湯浸淋晒會好好多；烏冬OK，湯底濃度也適中，不俗~~~叉燒豬骨湯烏冬($38) - 三大件厚叉燒加埋熟蛋及其它配料，份量足，湯底都有D豬骨味，濃度亦恰當，烏冬可以，OK~~~日本煎餃子($15) - 餃子唔熱唔脆，似乎一早煎定，材料亦無特別，失敗~~~以香港嘅烏冬店嚟講，赤丸製麵所算中規中舉，唔算太特出；但服務員禮貌同態度成疑，可能APM個場旺，不怕無生意。總括來說，食物一般、價錢合理，但坐位環境同服務態度就大打折扣，未必再有下一次喇！
我哋兩個人一入鋪服務員就安排我哋坐喺己經有另一對男女坐緊嘅四人枱隔籬；原本張枱己經細，隔籬又一早將D調味料盤、餐牌同筷子盒放晒喺我哋果邊，搞到我哋得返張枱三成位多D，服務員又唔理，真係坐得好唔舒服~~~
餐牌食物品種唔少，選擇都算多，可惜得三分一張枱即係叫我哋食少D，所以我哋只係叫咗兩碗烏冬加多一個小食：
滑蛋吉列豬扒湯烏冬($38) - 豬扒明顯用咗好多粉去炸，其實都係預計之中，不過如果可以分開上唔洗俾D湯浸淋晒會好好多；烏冬OK，湯底濃度也適中，不俗~~~
叉燒豬骨湯烏冬($38) - 三大件厚叉燒加埋熟蛋及其它配料，份量足，湯底都有D豬骨味，濃度亦恰當，烏冬可以，OK~~~
日本煎餃子($15) - 餃子唔熱唔脆，似乎一早煎定，材料亦無特別，失敗~~~
以香港嘅烏冬店嚟講，赤丸製麵所算中規中舉，唔算太特出；但服務員禮貌同態度成疑，可能APM個場旺，不怕無生意。總括來說，食物一般、價錢合理，但坐位環境同服務態度就大打折扣，未必再有下一次喇！
张贴
