花宵 (已結業)

中秋節後來到花宵，一家小居酒屋。麻雀雖小，五臟俱全，刺身，壽司，串燒乜都有。燒牛油大蜆比起平時成日食既清酒煮蜆正得多，牛油香味突出，燒大蜆仍然juicy。火炙銀鱈魚壽司加入松露作點綴，同時有豐富的魚油滲出。火炙左口魚邊壽司火炙左口魚邊壽司配紫菜既食法帶點新意，作為紫菜控冇乜投訴。鵝肝多士鵝肝都幾大件，入口即溶，配埋熱辣辣脆口多士，夠哂邪惡。油甘魚刺身大大片又厚切，刺身色澤粉嫩。鯛魚刺身淡口味刺身，配上柚子酸汁帶出鮮味。磯燒鮑魚鮑魚爽口，用鮑魚肝醬燒，口味更濃，雙重享受。火炙鰹魚沙律厚厚的火炙鰹魚，配脆蒜，洋蔥，羅勒葉，味道富層次。串燒點咗幾款串燒(雞軟骨，免治雞肉，厚切牛舌，一口牛)，水準不錯，免治雞肉唔少得蛋漿醬汁，另外厚切牛舌亦爽口彈牙。