FLIPPER'S (已結業)

之前行過希慎廣場，見住佢由未裝修到裝修左以家仲有埋間IT係到，每次見到都有人龍嘅鋪頭，一定非Flipper's莫屬。之前一開始嚟到香港，所有雜誌都有佢嘅足跡，今次見到只有五個人排隊，就即管同朋友試吓啦。只係排咗10分鐘，就安排我哋入座啦，餐牌選擇都唔算太多，黎黎去去都係pancake加唔同味嘅cream同埋配料，我地就揀左個原味($99)同埋做promotion嘅朱古力榛子($119)。要留意，係安排入座之後揀好嘢食，再出去收銀處俾錢，收銀員會比個牌仔你，坐喺度等嘢食就會送到㗎啦。因為係即叫即整嘅關係所以等候時間都幾耐㗎 ，大概等左15分鐘先有得食，但係一嚟到真係不負所望，連我呢個唔太明白呢種厚pancake點解會咁受歡迎嘅人，都不禁大讚好鬆軟，好香！！！要趁熱食啊，如果唔係個cream都會keep住咁樣溶，變咗一pat野。cream好重奶味，唔同平時starbucks係凍飲上面個d!而朱古力榛子醬， pancake都係一樣嘅，多咗一個焦糖香蕉，同埋有少少nuts伴碟。nuts都唔馬夫，食到有烘焙過嘅味道。多人排都係有原因嘅！哈哈哈哈!