更多
2016-04-20
2766 浏览
早一排系facebook 睇到一个post，列出左「香港十大最好味米线铺」，入面讲到：－ 如果未食过呢间嘅米线，就唔好同人讲自己食过最好味嘅米线！－ 呢间米线原来唔只系「全港最好食」，更加系「全宇宙最好食」就我黎讲，post 入面有提过既另外 9 间我都有食过，唯独是第 1 名既呢个，所谓「全宇宙最好食」既，我反而就未试过，于是就揾左对上个星期六去试下。由于我系冲著「全宇宙最好食」呢个朵而黎，所以系我讲食评之前我要澄清返一样野，当然，就系「全宇宙最好食」呢个名既「由来」，呢个名只系由文章作者"声称"系由网民一齐选出，换言之即系由作者 / 第三者们所导出，并不是由「店家」自己话自己系，所以以下我俾既评价系唔会有任何情感上既分数。Openrice 呢个食评制度我觉得几无谓，佢分做「味道」「环境」「服务」「卫生」「抵食」，在于我本人黎讲，我只会著重「味道」，在此之外，一切都系冇意思。我唔介意「用天价系大排档俾班伙记插住咁食一餐正到无伦既美味」，但我不能接受「用超抵价系服务极好既五星级餐厅食一餐垃圾」，所以以下，甚至将来，我所写既所有食评都只会评价其「味道」，咁样对所有唔同级数、pricing
入面讲到：
－ 如果未食过呢间嘅米线，就唔好同人讲自己食过最好味嘅米线！
－ 呢间米线原来唔只系「全港最好食」，更加系「全宇宙最好食」
就我黎讲，post 入面有提过既另外 9 间我都有食过，唯独是第 1 名既呢个，
所谓「全宇宙最好食」既，我反而就未试过，于是就揾左对上个星期六去试下。
由于我系冲著「全宇宙最好食」呢个朵而黎，所以系我讲食评之前我要澄清返一样野，
当然，就系「全宇宙最好食」呢个名既「由来」，
呢个名只系由文章作者"声称"系由网民一齐选出，换言之即系由作者 / 第三者们所导出，
并不是由「店家」自己话自己系，所以以下我俾既评价系唔会有任何情感上既分数。
Openrice 呢个食评制度我觉得几无谓，佢分做「味道」「环境」「服务」「卫生」「抵食」，
在于我本人黎讲，我只会著重「味道」，在此之外，一切都系冇意思。
我唔介意「用天价系大排档俾班伙记插住咁食一餐正到无伦既美味」，
但我不能接受「用超抵价系服务极好既五星级餐厅食一餐垃圾」，
所以以下，甚至将来，我所写既所有食评都只会评价其「味道」，
咁样对所有唔同级数、pricing、服务既「食物」都可以apple to apple 咁比较，
能够有一致性既标准，三字记之曰 － 「好味道」
开始，小弟平时一日三餐都可以食汤粉类，对于大陆式既汤粉更加著迷，
而米线，就由十多年前，长沙湾第一间麻辣米线就开始食，
甚至去过湖南长沙等地去试真正既「麻辣粉」、「辣鱼粉」，
系香港每逢发现新既米线铺，都一定会狗冲去试，所以在于「辣汤粉」既角度，
我觉得自己应该都有「少少」资格去评价呢间米线，
至于点解我打咁多废话都仲未开始？
因为我见到好多「好评」都话自己食呢间野由细食到大，
我唔想用三言两语就推翻一班「由细食到大」既网友的童年，
所以会解释较多，下面黎料。
只谈味道：
酸够、麻够、辣够，只系「够」，绝不是好，
因为三种原素中「并无」结合到一种最重要者 － 「味」
因为酸、麻和辣三者系非常容易抢味，
一碗好既麻 / 酸辣米线，系食用者吞左一淡之后，
舌头的中间（即最多脷胎个位）系会有鸡汤既鲜味留低，
相反，差既米线就只会食到酸、麻和辣，吞服后只留下淡淡的水味。
道理就好似平时用普通滚水煮个「辣味即食面」，
相信大家都试过煮完后落味粉和辣粉，系呢个时候唔小心比平时落多左水，
个面出到黎既味道就会淡如水，但辣味相对唔会太大影响，
因为「辣味」本来就系较为容易抢味觉，即使冲淡左仍然有其存在感，
而呢间米线既味道，就同呢碗「落多左水既即食面」一样既食感。
酸、麻、辣，缺「味」，三者各自发挥，完全不能结合。
CCTVB果句野咁，一碗「鱼蛋粉」，「鱼蛋有鱼蛋味，粉有粉味」，
即系失败。
我唔会话呢间野难食，但话佢系「全宇宙最好食」，
我就吞唔落呢淡气，
因为呢间只可以算系一间极为普通既米线。
最后我建议「由细食到大」既一班好网友，
近近地去荃湾食下果间叫「唯一云贵川风味」先，
我唔系话人地好好，只不过用黎同呢间野比较，完全不费吹灰之力。
题外话/补充资料：
呢个系我处男下海既第一个食评，其实较早前已经一早想写，
就系食过果间系大坑既野，叫「The Pudding Nouveau 」既垃圾，
详细我唔系到提，不过我会系往后时间补返一个负评俾佢，放心。
(以上食记乃用户个人意见 , 并不代表OpenRice之观点。)
张贴
