影片
更多
2018-09-13
102 浏览
因為這是我人生第一次食嘅omakase，所以想記錄下，令自己有個回憶大家別見笑啊！鉄人旨花，位於銅鑼灣謝斐道，距離地鐵站步行只需五分鐘左右，非常方便店內環境舒適寧靜，有格調，播著慢音樂，令人非常relax店員安排我們坐bar枱前，可以看著師傅為我們烹調食物，我當時心情既期待又興奮師傅，good show第一道菜係一個令人賞心悅目嘅方形金色盒子，入面有奪目嘅蕃茄，蕃茄上撒上岩鹽，令蕃茄更加鮮甜，我平時唔食生蕃茄都ko曬和牛海膽卷，和牛真係入口即熔，海膽亦非常鮮甜仲有八爪魚，調味恰當，食落不會好似橡膠咁，好容易咬開而且非常鮮味接著就係今晚嘅主角龍蝦刺身，師傅先向我們展示龍蝦嘅生猛，龍蝦仲係活生生繃繃跳架之後即時起肉再擺到好似藝術品一樣放喺我們面前，擺得好靚呀龍蝦肉卷成一朵朵花🌹咁，上面仲有唔同顏色嘅小花瓣點綴，真係好有心機，佩服我珍而重之咁夾起一件放入口中，肉質非常旦牙，味道鮮甜無比師傅建議我地扭啲青檸汁落龍蝦度食，果然帶動到龍蝦嘅鮮味，仲多左一份清新口感接著係一個長方形嘅金色盒子，非常奪目，盒內有薄到透光嘅魚生，上面仲放左醋啫喱，令魚生味道更有層次赤貝非常新鮮甜美，非常有口感銀鱈魚係無骨
因為這是我人生第一次食嘅omakase，所以想記錄下，令自己有個回憶大家別見笑啊！
鉄人旨花，位於銅鑼灣謝斐道，距離地鐵站步行只需五分鐘左右，非常方便
店內環境舒適寧靜，有格調，播著慢音樂，令人非常relax
店員安排我們坐bar枱前，可以看著師傅為我們烹調食物，我當時心情既期待又興奮師傅，good show
第一道菜係一個令人賞心悅目嘅方形金色盒子，入面有奪目嘅蕃茄，蕃茄上撒上岩鹽，令蕃茄更加鮮甜，我平時唔食生蕃茄都ko曬和牛海膽卷，和牛真係入口即熔，海膽亦非常鮮甜仲有八爪魚，調味恰當，食落不會好似橡膠咁，好容易咬開而且非常鮮味
接著就係今晚嘅主角龍蝦刺身，師傅先向我們展示龍蝦嘅生猛，龍蝦仲係活生生繃繃跳架之後即時起肉再擺到好似藝術品一樣放喺我們面前，擺得好靚呀龍蝦肉卷成一朵朵花🌹咁，上面仲有唔同顏色嘅小花瓣點綴，真係好有心機，佩服我珍而重之咁夾起一件放入口中，肉質非常旦牙，味道鮮甜無比師傅建議我地扭啲青檸汁落龍蝦度食，果然帶動到龍蝦嘅鮮味，仲多左一份清新口感
接著係一個長方形嘅金色盒子，非常奪目，盒內有薄到透光嘅魚生，上面仲放左醋啫喱，令魚生味道更有層次赤貝非常新鮮甜美，非常有口感銀鱈魚係無骨的，面頭掃左層燒汁，嫩滑惹味
接著係一件非常肥美嘅拖羅火炙後用紫菜包住，紫菜又厚又脆，包住裏面鮮甜肥美嘅拖羅，好味到難以形容
醬燒鱈魚，燒得非常香脆，燒汁好香，非常惹味
食完燒鱈魚，上左碟柚子蘿蔔比我地消消滯，估唔到又幾清新醒胃咼，即刻開胃曬可以繼續食食食
之後開始上壽司🍣類，上圖係白蝦海膽壽司，一件壽司有成七八隻白蝦仔，上面加左鮮甜嘅海膽，鮮味無比
北寄貝壽司，大大塊嘅北寄貝，上面放左手指青檸籽，更顯矜貴，晶瑩剔透嘅青檸籽味道酸酸的，令北寄貝更加鮮甜，咬落非常有口感
之後一連上左四件魚刺身壽司，全部都非常鮮甜，最深印象係右下角那件銀光閃閃嘅秋刀魚壽司，師父話而家當做，所以特別新鮮甜美，真係好香秋刀魚味啊簡直一試難忘，回味無窮
紫菜包珍寶帶子，帶子大大粒非常新鮮，燒到顏色金黃非常吸引，肉質好結實，裏面好juicy，非常有口感，上面掃左層燒汁，非常惹味，用紫菜包住食簡直係絶配
海膽杯仔飯，海量嘅海膽加醋飯簡直無得輸，鮮味無窮，令人非常滿足
龍蝦清湯，尼個湯係用之前龍蝦刺身個蝦頭來滾的，個湯好清，加上幼細嘅蔥花，熱辣辣，非常鮮甜美味
甜品我地揀左清酒雪糕同柚子雪芭，清酒雪糕食落有淡淡嘅清酒味慢慢滲出，幾特別
柚子雪芭，柚子味極濃，裏面仲加左柚子皮，雪芭打得非常細滑，酸酸甜甜口感清新，我非常滿意尼道甜品
這餐晚餐不知不覺食左兩小時，真係好滿足，原來睇住師傅將一道道菜精心烹調後奉上然後慢慢享用嘅感覺係如此美好，一件一件藝術品般嘅食物令人賞心悅目，這店食材非常新鮮，店員服務貼心，尤其是今晚為我們烹調嘅師傅，非常友善，手藝非凡，亦非常健談，多謝你非常滿意嘅用餐經驗，下次再來要試下鐵板燒先
张贴
