玄鮨 (已結業)

第一次係香港食有師傅係你面前整既omakase，雖然最後只係叫左兩個魚生飯既SET LUNCH，但係睇師傅係你面前精心挑選及料理食材和菜色，已經心滿而足。叫左特上魚生飯同埋極上拖羅四重奏，叫完好快就上左前菜同湯。前菜有芝麻醬沙律、帶子裙邊、汁煮牛脷、貝柱茶碗蒸，好欣賞個汁煮牛脷，牛味濃。特上魚生飯有有五款魚刺身、北海道海膽、牡丹蝦、帶子和玉子燒，最欣賞既係大拖羅，真的是入口即溶，成個口都係魚香味。極上拖羅四重奏入面有大、中拖羅，肉質好嫩滑，同樣係入口溶化，醬油漬赤身，食落好幼滑；仲有個就係睇住師傅整既吞拿魚蓉，見佢把刀刮下刮下，刮D魚油出黎，撈落大拖同中拖，再撈埋個飯到飯，食到LAMLAM脷😋最段我揀左熱咖啡，估唔到比起連鎖咖啡店更好飲；朋友揀左日本朱古力蛋捲，朱古力味濃郁。