影片
更多
2009-11-19
6 浏览
話時話,成日都話要去食日本放題,次次最後都食唔成,生野我只好三文魚,試問我要食幾多三文魚先回到本呢?!?!所以每次都打消放題念頭,改食板前~~今次唔駛俾我話事, 慶祝朋友A生日,朋友B決定,book埋檯,直至放工後先知道今晚地點係荃灣金田~that’s why我今次成功試到日式放題~三文魚應該無人唔食,就算係好日本野or not,我的朋友圈中係無人唔食三文魚, 只有食少少同喪食之分~我以前從來唔掂生野,什至是三文魚,數年前才開始終止對三文魚的抵抗,未至於愛上它,但至少不抗拒它,程度似乎一直在改善,大概是受身邊三文魚愛好者朋友的影響吧!!!當然,我的至愛仍然是鰻魚,地位誰也不能改變。扯得太遠,講番金田~星期四的晚上未到週末依然係爆場,還好未看到排隊等位的情況。大家都處於肚餓狀態,畫野食刻不容緩~~~order補顏色跟據種類分別,好似有7,8張~由於我地4人中朋友B係一名多胃王,所以每個order我地都預2人份俾佢,但求佢幫我地食倒回本,哈哈~~~種類比我想像中多, 芝士年糕,燒餅,章魚小丸刺哩D小食亦有提供,當然水準唔可以太過要求,只可以一止口癮!!!~新鮮程度,很抱歉本人只可以提供三文
今次唔駛俾我話事, 慶祝朋友A生日,朋友B決定,book埋檯,直至放工後先知道今晚地點係荃灣金田~that’s why我今次成功試到日式放題~
三文魚應該無人唔食,就算係好日本野or not,我的朋友圈中係無人唔食三文魚, 只有食少少同喪食之分~
我以前從來唔掂生野,什至是三文魚,數年前才開始終止對三文魚的抵抗,未至於愛上它,但至少不抗拒它,程度似乎一直在改善,大概是受身邊三文魚愛好者朋友的影響吧!!!當然,我的至愛仍然是鰻魚,地位誰也不能改變。
扯得太遠,講番金田~星期四的晚上未到週末依然係爆場,還好未看到排隊等位的情況。
大家都處於肚餓狀態,畫野食刻不容緩~~~order補顏色跟據種類分別,好似有7,8張~由於我地4人中朋友B係一名多胃王,所以每個order我地都預2人份俾佢,但求佢幫我地食倒回本,哈哈~~~
種類比我想像中多, 芝士年糕,燒餅,章魚小丸刺哩D小食亦有提供,當然水準唔可以太過要求,只可以一止口癮!!!~
新鮮程度,很抱歉本人只可以提供三文魚的意見, 算新鮮,厚切,絕唔會o係每一塊三文魚厚薄上取巧,每塊厚度相若, 啖啖肉,幾唔錯~~~
壽司方面,只屬普通貨色, size較細,但飯嘅質感卻係本人喜歡嘅,少少濕濕地,使我絕對唔會只食飯上面的料而將飯捨棄,哈哈~~~高招!!!使我更快有飽肚的感覺!
有一個薯蓉扇貝要一讚, 焗到熱辣辣, 又有芝士o係面, 個扇貝肉又大粒, 好正!!!個薯蓉可以多番少少就更好, 因為唔夠喉,哈哈!!!
燒餅又係唔夠喉, 一個唔可以同朋友share, 因為要再order, 鐘意食燒餅的話可以一人一個,細細個架咋~~
天婦羅都唔錯,唔會覺得食到成口粉漿住漿住, 又唔會覺得好油, 粉既比例同炸既埮度配合得幾好~
朋友A&C order了特飲荔枝玉露, 竟然出奇地話好好飲, 仲有荔枝肉, 想再order多一杯添~~要知道哩D餐廳俾人的印象就係特飲貴而唔好飲,屬呃錢類,但竟然哩度有驚喜。
服務都好好, 經常加茶, 又成日收碟, 但好似有D單係漏左無嚟到~~
我地仲切埋蛋糕,唔會好似其他餐廳咁遠收切餅費~~!仲幫我地影相,好好人~
最後仲有甜品送添, 好似係布甸既野,不過略為太甜,已經好飽了, 食唔落lu..
张贴