影片
更多
2025-06-01
517 浏览
有朋友介紹我嚟食呢間位於佐敦區嘅火鍋放題，聲稱大件夾抵食，質素亦都唔差。而朋友介紹嗰陣時。都有同同區某一間雞煲火鍋放題做比較，嗰位朋友就聲稱「家嫂」平均表現遠勝另外一間。決定平日放工過嚟試吓佢，估唔到試咗個伏，甚至唔滿意到決定打我第一篇食評。少圖，但句句都真。開始分唔到邊啲係撞正餐廳質素好，邊啲係打手，邊啲係真正嘅劣食大師。先講服務用餐前一日經由whatsapp訂座，店員回覆「👌🏻🙏🏻」表示確認訂座。用餐當日，到咗餐廳之後喺櫃枱登記入座用餐，而訂座表上竟然冇我個名同電話，即係漏booking。從來冇試過喺呢個價位訂座有呢個情況，若然繁忙時間嚟食，恐怕又要擾攘一段時間。入座至用餐期間，先後有幾位店員serve我哋，有冇幾個服務態度良好，唯獨冇一兩位店員態度欠佳。尤其想加點任食火鍋品項，有一位店員聲稱「要等全部枱上食物落鍋後，先可以再次加點牛肉」。唔明白點解收400蚊(連加一)嘅火鍋放題有咁嘅規矩。如果唔想浪費食物，可以參考其他放題食肆向剩餘食物徵收額外收費，而唔係限制食客加點嘅速度。而事實上佢對比其他放題食店，加點嘅份量只可以每次一份，真係算少之又少。所以唯一解釋就係唔想食客加點太多，而
少圖，但句句都真。
開始分唔到邊啲係撞正餐廳質素好，邊啲係打手，邊啲係真正嘅劣食大師。
先講服務
用餐前一日經由whatsapp訂座，店員回覆「👌🏻🙏🏻」表示確認訂座。用餐當日，到咗餐廳之後喺櫃枱登記入座用餐，而訂座表上竟然冇我個名同電話，即係漏booking。從來冇試過喺呢個價位訂座有呢個情況，若然繁忙時間嚟食，恐怕又要擾攘一段時間。
入座至用餐期間，先後有幾位店員serve我哋，有冇幾個服務態度良好，唯獨冇一兩位店員態度欠佳。尤其想加點任食火鍋品項，有一位店員聲稱「要等全部枱上食物落鍋後，先可以再次加點牛肉」。唔明白點解收400蚊(連加一)嘅火鍋放題有咁嘅規矩。如果唔想浪費食物，可以參考其他放題食肆向剩餘食物徵收額外收費，而唔係限制食客加點嘅速度。而事實上佢對比其他放題食店，加點嘅份量只可以每次一份，真係算少之又少。所以唯一解釋就係唔想食客加點太多，而令餐廳利潤減少，有吝嗇嘅感覺。
再講環境
訂咗當日食客唔多，座位安排上亦冇為方便餐廳運作，而安排所有食客坐喺同一區，編排上有一定距離，間隔相當合適。亦唔知係唔係因為人數較少嘅關係，餐廳冇明顯火鍋放題店嘅氣味。而兩人入座亦安排咗四人座位，相對其他放題店坐得更加寬闊同舒服。
最後講食物
任食套餐包括自助區嘢飲、醬料區、刺身拼盤(單次)、多款小食、雞煲、火鍋。
午巿時段每位338
晚巿正價時段448 7點前離座358
成個用餐體驗最滿意就係飲品，除咗一般放題常見嘅罐裝、紙包飲品之外，亦有一啲手工飲品。除咗凍櫃嘅嘢飲外，仲可以叫店員製作果汁等現做飲品。感受到餐廳喺製造餐飲上，放得比較多心機。
醬料區除咗一般火鍋醬料之外，亦都有一啲自家調配嘅醬料例如辣油提供。冇特別試，評價唔到太多。但當中有兩款造型一樣嘅豉油樽，分別裝住刺身豉油同火鍋豉油，而餐廳雖然有標示，但唔係特別清晰。而我都係上咗刺身後，出去搵刺身豉油，刻意留意先發現有所唔同。
刺身拼盤有三文魚、油甘魚、帶子、北寄貝、八爪魚。大部份都係正常水平，讚一讚帶子冇特別一開二，保持適當厚度同口感。
小食方面，當日食咗蝦多士、鰻魚、炸雲吞、小籠包、魷魚、白飯魚。
蝦多士係蝦漿版本，上面有少量蛋黃醬同黑松露醬，蝦醬質地軟腍，唔係特別彈牙，蝦漿亦冇特別鮮味，味道以松露香氣同蛋黃醬甜味為主，放題嚟講質素合格。
鰻魚係雪藏貨做少少加熱，口感同味道都係熟悉嘅感覺。
炸雲吞一粒蝦仔/肉餡都冇，入面包咗蒽，雲吞上面有少少沙律同一粒藍莓。成舊嘢簡直係食緊炸麵粉一樣。如果我係餐廳老闆，我見到有客人食呢樣小食會覺得好開心，因為可以低成本撐住個胃吖！
小籠包肉餡汁偏少而且溫度接近室溫。皮厚食落有麵團嘅感覺。上面有醋可以比食客自己斟酌調味。
咖喱魷魚，咖喱味比較薄，應該係單靠咖喱粉調配出嚟嘅咖喱汁。魷魚口感味道正常。
白飯魚，正正常常合格水平。
去到雞煲啦。
今次雞煲我哋嗌咗小辣。雞煲嘅味道都偏淡，香氣略嫌不足。一般市面上嘅「雞煲」，有放題式嘅重醬、重香料，相對嚟講比較濕潤嘅「放題式雞煲」，亦都有調味偏淡、追求乾身同鑊氣嘅「小菜式啫啫雞煲」。雖然咁分有啲奇怪，但事實上今日呢款雞煲有少少兩頭唔到岸，佢既冇一般放題式雞煲嘅濃味同醬料香，煲底留有嘅汁水亦都比較多同埋浠。雞肉嘅份量唔算太多，不過有得再次追加。但因為唔清楚追加需要等待嘅時間有幾長，所以今次就冇決定追加啦。而雞煲嚟講，實在算係唔合格。
去到火鍋。
喺任食項目之前，店員會首先上咗一盤海鮮拼盤同埋一碟肉品。海鮮拼盤包括有蝦、蜆、鮑魚、魚片、鱔片、生蠔。除咗鱔片、鮑魚、蝦合格之外，其餘嘅可以參考其他負評。特別一提，生蠔喺上菜嘅時候，仍然呈現冰凍嘅狀態。如果收你$400，你見到個生蠔仲係一舊冰，你會點？係唔係想我攞個火鍋湯底嚟解凍舊生蠔？而今晚嘅牛肉，完全係佳寶/街市最廉價嘅一款，而負責切肉嘅師傅唔知係唔識定點，竟然將一款來貨已經好廉價嘅肉順紋切，令到肉質硬上加硬。
可能你會話「其實都係放題啫，你咁樣嘅標準去評價會唔會太嚴苛」。但其實而家放題嘅舖頭越做越多，豐儉由人。今日喺「家嫂」食一餐放題，連埋服務費埋單人頭接近400蚊，喺放題店嚟講算係定價中上。返返去食評一開頭，朋友攞咗「家嫂」同同區一間價錢相若、放題內容相若嘅舖頭嚟做比較，無論係食物品質定係大方程度，好明顯「家嫂」係冇做得咁好。
今日呢餐放題，五點入座可以食到七點，但已經提前埋單走人。再食落去其實都真係冇乜意思。
张贴
