家嫂一家大小

隔了一段时间冇来家嫂真系有啲挂住，决定同老公再来食火锅放题，质素仍然保持到高水准，非常丰富，午市火锅放题仲有8 折，真系好抵食，唔怪之得平日午市都坐满人。✨任食十多款精选前菜小食✨每款都精致美味，特别钟意❤️：🔶松露虾多士：热辣辣好香脆🔶沙律炸云吞：脆卜卜，又多饀料🔶陈醋小笼包：一咬就爆汁🔶招牌炒蚬： 豉椒炒好惹味，蚬冇沙好正。✨一次性 当造刺身拼螌✨每款刺身都新鲜厚切，超爱带子大件又鲜甜，鲍鱼又很弹牙。如果多几个人黎，刺身会用船上，超打卡。✨惹味鸡煲✨鸡煲有惊喜！ 叫咗BB辣几惹味，鸡肉几嫩滑，连D配料猪皮、鸡肾等都好入味。鸡煲都可以任食不过我哋留肚食火锅，所以冇再encore。✨任食火锅✨🔶养生花胶菌香汤锅多款菇菌+花胶的汤底足料又香。🔶环球海鲜船多款时令海鲜，有鲍鱼、蚝、蚬、珊瑚蚌、鱿鱼、鳝片等，海鲜可以任食真系好抵。🔶牛肉/ 豚肉卷🔶蔬菜组合🔶火锅配料食完个鸡煲之后其实已经饱咗大半，再打边炉我哋都冇嗌太多火锅配料，真系好饱好满足。✨饮品✨多款自家制的饮品可以自取，亦有一些特饮可以叫职员落单，推介「鸭屎香柠檬茶」。…查看更多

朋友吃过「家嫂」后推介我无论如何都要吃一次，一个价钱包括任吃前菜，一次性鸡煲、一次性刺身及火锅放题；除火锅外，午市提供点心，今天跟爱吃海鲜的爸爸前来品尝午市火锅放题，不限时用餐时间；环境宽敞舒适，座位具一定私隐度-🔹环游海鲜火锅放题 $338 (午市，星期一至四享 8 折优惠)前菜 15 款即叫即制，陈醋小笼包皮滑馅鲜肉汁多，更贴心将胶管插进，由客人自行将陈醋挤到小笼包内；蜜糖烧鳗鱼香甜且油脂丰腴、凉拌爽脆鱼皮开胃滋味、招牌炒蚬新鲜惹味、𠮩𠹌糖心皮蛋甘香软滑-一次性刺身有三文鱼、带子、八爪鱼、北寄贝、甜虾及鲍鱼，新鲜肥美，肉质紧致；一次性鸡煲加入猪皮及鸡肾等，可选辣度，鸡皮爽滑，鸡肉滑嫩紧致又入味、猪皮 Q 弹-火锅提供一次性海鲜及蔬菜拼盘，汤底选择了淸香椰子汤锅，加入印尼椰子、马蹄、红枣及元肉，清甜养生；海鲜拼盘包括鲍鱼、带子、鲜蚝、海虾、鱿鱼、鳝片、鲜鱼块、蚬肉、虾滑、鱼肚及水晶鱼蛋等；海鲜鲜甜、鲍鱼爽弹、鱼肉紧致，选材非常上乘；蔬菜拼盘集 4-5 款蔬菜，全部新鲜嫩甜；火锅配料方面，点选了美国肥牛，肉质紧致，脂肪比例适中且带不俗的肉香-饮品设于自助区，同时提供即点即制的鲜果汁，尝过鲜榨红肉火龙果汁，足料无添加，饮到最原始的食材味道…查看更多

一行三人，星期日中午聚会，食西餐，日式料理已经食到厌，想揾地方慢慢食慢慢倾，于是去饮茶。去到佐敦，就见到家嫂，于是就上去试下，由于星期日，又冇订位，上到去都要等一阵，十五分钟左右就有位。芥 末海螺小吃，几开胃，易入口猪肚丝，冇乜特别竽角，热辣辣，芋头好粉好溶牛肉球一般，没什么弹性，但仍有牛味虾饺，几鲜味，但容易散，要考你快子功软壳蟹肠粉，外软内脆，可以一试墨鱼饼，好鲜，上面仲有海胆，即刻升价十倍呢个宽粉最好味，汤很有海鲜味道，材料也多，不过美中不足是三只虾有两只都霉…最后三人埋单每人差唔多二百左右，不过不失啦…查看更多

食物质素差，我已来过此间店已有4次，今次真的令我失望，叫鲍鱼之前第一碟是活的，之后鲍鱼唔新鲜，其后我朋友不小心倒泻杯酒在餐椅上，便麻烦服务员抹干净，服务员第一个反应就话：咁唔小心呀小心啲呀嘛！第二个反应叫我买纸巾抹干，我便叫服务员你们是否没有亁布抹干？服务员态度极差便说没有，要自己买纸巾抹干！真令人气愤，每人差不多$500但服务态度非常之恶劣！我冇谂过点解咁多人返大陆食，原因之一就系服务差劲。想震兴香港都难！…查看更多

睇见佢地社交媒体网站广告写星期一至四午市为特价任食时段，午市时段写住系11：00 - 4：00，到我whatsapp订位17Jul2025佐敦店时职员就叫我11：30至好黎到，同埋只可食到3：30，但可4：00至离座，咁即系冇咗1个钟...咁都算喇，到当日食食吓大约2：50就有职员行过黎通知3：00截单，之后就冇得再叫野食喇，重话只可坐到3：30就要离晒场，因为职员要落场喇，咁即系又冇多半个钟，由5个钟减到得返3.5个钟，令我一家失晒预算，因为有1个屋企人工作关系要1：30后至黎得到，争论一番至勉强畀我们食到四点钟，但3：30周围啲灯就熄晒得返我张枱有灯，职员又喺度扫地，真系咩食野心情都冇晒啦，早知系咁一定唔会黎帮衬。系得3.5个钟就大大方方写明啦，咪扮低食啦，真系离晒谱，系犯了商品说明条例呀！*时间地点为今年7月17号佐敦店，可以睇返闭路电视证明。…查看更多