朋友喺外國返香港話想食串燒，我即刻帶佢去中環呢間人氣爆燈嘅「人生有限杯」🔥。舖頭細細但氣氛超好，侍應又nice，我哋幾乎叫哇佢啲招牌，款款都冇得輸！
🐙 墨魚鬚泰式醬汁超醒胃！
🍢 雞心燒得啱啱好，脆口又多汁～
🍄 黑松露雞肝香到呢…高級感即刻出曬嚟！
🍍 鵝肝多士夾焦糖菠蘿？邪惡但好食到拍枱！
🐟 九肚魚外脆內滑，入口即化～
🍗 免治雞肉棒點生蛋黃，滑溜溜超正！
🥑 豚肉卷住牛油果，估唔到咁夾！
🏮 淮山配佢哋自家蛋黃醬，爽脆惹味停唔到口～
🍲 忌廉煮蜆奶香十足，個汁都想飲埋！
🍙 鰻魚飯團外層脆卜卜，入面軟糯～
🥓 西班牙五花腩燒到焦香，食落啖啖油香超滿足！
🥔 流心蛋薯仔沙律好綿，做串燒間場一流！
🦐 墨魚滑包住大蝦再用紫菜卷住，彈牙鮮味double up！
🍋 手打檸檬茶夠曬冰凍解膩，完美收尾！
成晚同朋友吹住水、食住串燒，真係爽到震！呢間絕對係會encore嘅隱世好店，嚟開上環一定要試吓啊！👏🍻
