九咪餐廳 (已結業)

即將渡過人生第三個十年，雖然月中才是，已經陸續有朋友請食飯，很開心。某日，聆聲響起，原來是舊同事兼街坊打來說要請食生日飯，既然大家都係荃灣人，就在麗城附近最好的餐廳開餐。這間餐廳有中菜有西餐供應，水準也不差，而我個人就喜歡呢度既西餐多一點。所以今次也就要紅酒燴牛尾，對方則要西冷扒。其實，我最愛的是周打魚湯。永遠都是鮮甜濃郁，還有大量的魚肉粒在內，啖啖魚肉加上美味濃湯，是味道和口感的雙重滿足；餐包是即烘的多士，熱呼呼的，香脆可口，再加上牛油香，一定好吃。這是極小數我會把餐包和餐湯都清光的餐廳。我的主菜係紅酒燴牛尾，還記得當年第一次吃這味的時候，有種驚為天人的感覺，因從來估唔到小小的街坊餐廳可以做到咁高水準。如今吃多了，也沒有那種驚喜，不過其水準依然。牛尾一樣是炆得夠稔身，鬆軟入味，西芹鮮甜爽脆，醬汁味道調校得宜，不一會便可幹掉一碟飯。對方吃扒要吃熟一點的，七成熟的西冷扒，我自己食一定唔會。不過，這裡做得不錯，雖然是七成熟，亦不是韌得咬到牙校都軟埋的，而且也有足夠牛肉味，點上醬汁吃也可。伴碟的薯條係波浪型粗身的那種，又是剛炸出來的，夠香夠熱，好食。還有甜品送，很特別這是中式的綠豆沙，但街坊