影片
更多
2022-09-02
1671 浏览
鉄人旨花有分為鐵板燒或者omakase ，我今次就食左鐵板燒雖然係平日夜晚，但係都差不多坐滿晒，好受歡迎👏🏼龍蝦鐵板燒二人前$2380/兩位，呢個套餐好豐富，包含：前菜、沙律、汁煮白鱈魚、龍蝦配海膽汁、季節料理、熊本縣產 A5 和王牛、炒飯、雞湯及甜品，份量一啲都唔少勁豐盛，超級飽！鐵板燒來說性價比好高～前菜係酒浸日本乾鮑，鮑魚醬香十足好入味，而且夠晒軟淋唔會靭，仲帶有微微嘅酒香～合桃藜麥沙律🥗醬汁酸酸甜甜好開胃，入面有各款沙律菜、青瓜、藜麥同埋合桃。之後鐵板燒嘅部份就開始了！師傅工架十足，每一個處理食物嘅步驟都好似表演咁～汁煮白鱈魚師傅煎到厚切白鱈魚四面金黃，魚皮好似薯片咁香脆！魚肉柔軟嫩滑，外面又煎得好香～再淋上日式洋蔥甜汁，口味好豐富！龍蝦配海膽汁新鮮龍蝦仲郁郁下，比起外面其他餐廳大隻好多！師傅煎香拆肉，再淋上海膽醬，再加上食用花，擺盤好精緻～龍蝦肉質爽口彈牙，煎得恰到好處配上海膽醬同埋紫蘇花真係三重滋味～熊本縣產 A5 和王牛油脂分布均勻，入口即溶，牛味濃郁，可以自己選擇幾多成熟，配搭香脆蒜片同埋紅酒汁、酸汁等等配料，口味更有層次！炒飯粒粒分明，夠乾身，而且採用日本米，咬落特別
龍蝦鐵板燒二人前$2380/兩位，呢個套餐好豐富，包含：前菜、沙律、汁煮白鱈魚、龍蝦配海膽汁、季節料理、熊本縣產 A5 和王牛、炒飯、雞湯及甜品，份量一啲都唔少勁豐盛，超級飽！鐵板燒來說性價比好高～
前菜係酒浸日本乾鮑，鮑魚醬香十足好入味，而且夠晒軟淋唔會靭，仲帶有微微嘅酒香～
合桃藜麥沙律🥗
醬汁酸酸甜甜好開胃，入面有各款沙律菜、青瓜、藜麥同埋合桃。
之後鐵板燒嘅部份就開始了！師傅工架十足，每一個處理食物嘅步驟都好似表演咁～
汁煮白鱈魚
師傅煎到厚切白鱈魚四面金黃，魚皮好似薯片咁香脆！魚肉柔軟嫩滑，外面又煎得好香～再淋上日式洋蔥甜汁，口味好豐富！
龍蝦配海膽汁
新鮮龍蝦仲郁郁下，比起外面其他餐廳大隻好多！師傅煎香拆肉，再淋上海膽醬，再加上食用花，擺盤好精緻～龍蝦肉質爽口彈牙，煎得恰到好處配上海膽醬同埋紫蘇花真係三重滋味～
熊本縣產 A5 和王牛
油脂分布均勻，入口即溶，牛味濃郁，可以自己選擇幾多成熟，配搭香脆蒜片同埋紅酒汁、酸汁等等配料，口味更有層次！
炒飯粒粒分明，夠乾身，而且採用日本米，咬落特別有嚼勁～雞湯顏色透明，萃取雞入邊嘅精華，入面仲有鮮蝦同埋蘑菇，清清地好解膩。
甜品選擇有豆腐雪糕、綠茶雪糕、熊本蜜瓜及柚子雪葩。今晚食咗咁多唔同嘅食物，甜品我就揀咗柚子雪葩，清爽消滯，為呢餐美味嘅鐵板燒畫上完美嘅句號！
鉄人旨花
地址: 銅鑼灣謝斐道477-481號肇明大廈2樓
张贴
