環境
2件漢堡排套餐（牛油果＋原味） $110
呢到無限死一定要食3件，可以自選配搭，仲要有三款口味揀，今期期間限定係牛油果，我唔想食三塊，但又想試埋芝士，於是就叫咗原味、牛油果再另外加芝士，兩件漢堡扒都試到三款口味🤣
門口先落單，再入座，餐廳動作好快，一坐低就會上漢堡扒，上枱係5成熟，鍾意熟啲就等佢係鐵板上燒多陣，和牛選用九州產的黑毛和牛，將「霜降」油花部分混合肉味突出嘅美國穀飼上半身牛肉。肉汁豐富，因為係2款牛混合，所以肥瘦比例剛好，和牛令口感柔軟，帶些少油脂又不至太膩，美國牛肉令肉味更濃又中和油膩感。可以配生蛋食，又或者沾枱面上有8種醬汁及調味料。
而牛油果🥑口味又幾盞鬼，他他醬+牛油果再淋上特調照燒汁，濃味之選，我另外加嘅芝士仲有可以沾嚟食～
1
欣賞佢西蘭花🥦無限添，仲要店員係三不五時就開你要唔要加，連螺肉味噌湯都無限添，唔少得白飯，係日本虹煌米。
