TERA (寶發大廈)

营业中

休息中

佐敦近九龍公園，其實有唔少小店，鋪仔細細其實五臟俱全，有唔少好嘢食，係覓食嘅好地方。先講裝修，聽到個舖頭名，再望吓用白色小清新加上木調顏色，就知道一定係食日本嘢，裝修好簡潔，有一個大嘅玻璃窗，令到店面彩光十足。如果想坐近啲窗口影張靚相嘅話，真係要早少少嚟。旁邊仲有張好大嘅木枱，同一個好大嘅白色波波燈。舖頭細細，雖然係主打疏乎厘同甜品，不過其實都有好多唔同嘅揀。睇返報道，廚師係藍帶畢業，質素應該幾唔錯。疏乎厘鬆軟 口感滿滿有好多款pancake ，最尾都係揀咗D24榴槤，旁邊仲有一個榴槤雪糕，係自家製嘅添。疏乎厘空氣感好重，口感好軟滑，有蛋香。榴槤味雖然唔係勁重，不過加埋落疏乎厘到啱啱好。早餐時間，想食過add day Breakfast，呢個份量夠晒兩個人食，有炒蛋煙三文魚煙肉炒菇腸仔，另外仲有沙律菜同乳酪！特別一讚吓佢個窩夫，蛋味好重好脆口！千其要食先！唔係太飽食唔落朝頭早點可以少得杯咖啡，揀咗烏龍咖啡，好特別加咗奇亞籽，有少少咬口，都幾特別，咖啡唔算超龍，鍾意烏龍茶嘅朋友應該都會鍾意呢個。若果唔想排得太長時間，真係要早少少嚟，食完早餐出面已經打晒蛇餅。