FLIPPER'S (已結業)

一直諗住等熱潮退，但一直仍然人氣高企，八點幾行過見到唔多人就排，等左15分鐘左右就入得，入到落完單再等多20分鐘先有得食，等嘅時間多過食。而呢到設有最低消費每人要點一樣，岩岩食完飯仲飽飽地，所以就點左一個Pancake加一杯飲品。榛子朱古力蕉糖香蕉 $118貌相相當吸引，Pancake 有淡淡嘅蛋香味，而且夠鬆軟，空氣感唔太強，榛子味道都香濃，但可能期望過高，同預期中有出入，食完覺得都係配糖漿食先係最好味。Tapioca Mango Milk $29芒果味偏淡，飲落好滑口，唔會太甜太酸，但個珍珠就較為一般，兩者加埋唔太夾。