最近天氣都有啲涼涼地
好岩食下啲養生米線🤣
今次就去左間人氣爆燈嘅米線鋪～
專食花膠雞湯米線！
1
招牌花膠雞濃湯米線
呢個係店嘅王牌！
湯底用小火爐即煲即食
雞湯黃油奶白濃郁
飲落鮮甜唔會口渴或太鹹
花膠軟滑綿密
咬落彈牙有口感
雞肉大件多肉份量
而米線可以煲到你想要啲熟度
食落滑溜彈牙
暖胃又補身
好岩冬天食！
推介！
蕃茄花膠雞濃湯米線
湯底帶酸甜蕃茄味但又係雞湯
可以醒胃開胃
而入面配料有木耳、蘿蔔、豆皮、
花膠、雞等等
想層次豐富啲可以揀依個湯底
金磚豆腐
炸得外層香脆
入面豆腐超嫩滑細
食落唔油！好岩做小食
推介必點！
白桃冷泡茶
帶濃郁白桃香味
飲落清新解渴
薏米檸檬水
薏米清熱祛濕
檸檬加酸甜
飲落爽口健康好養生
餐廳價錢親民性價比高
另外見到有期間限定湯底可以試
同埋晚飯時間見到好受歡迎
排晒長龍🤣🤣
所以要試記得早啲去食～
