影片
更多
2021-08-27
80 浏览
之前試過旺角嘅一鍋堂覺得相當不錯，知道佢哋喺葵芳開咗一間全新概念旗艦店，一定要去試吓ᕕ(ᐛ)ᕗ.我哋晚市去，有3款任食放題套餐，每個類別所包含嘅肉類不同。揀咗中間價位嘅B 餐特選安格斯牛 $238 (19:00-21:30入座)，任食120分鐘。.所有放題套餐都可以任食百幾款食物，包括肉類、海鮮、手作餃子手工丸、任食自助吧等。如果想食澳洲M5和牛，就要揀最貴嘅C餐先有喇！.🥣 湯底有18款湯底選擇，揀咗坊間比較少見嘅一鍋潮汕鍋，用上大地魚及豆卜、冬菇、咸菜、大蒜等多種材料熬製，湯底味道鮮甜。.🐮 牛類牛肉色澤鮮艷幾新鮮，安格斯牛板腱及封門柳油脂分布均勻，肉質幼嫩。牛小排牛味濃郁，牛脷心托口感爽脆。.🐷 豬類西班牙栗飼豬肉肥瘦適中，口感軟腍油潤。其他選擇仲有金錢肚、炸酥肉、豬皮、豬粉腸等。.🐑 羊類紐西蘭羊肉卷肉質軟嫩，唔會有羊膻味。.🐔 其他肉類另外仲有多款雞肉，同埋比較少有嘅田雞肉。.🦐 海鮮海鮮有魚蝦貝類等，推介：海蝦肉質新鮮爽彈，用竹簽串起食起嚟好方便。花膠超大塊又厚身，口感滑溜。珍珠貝鮮甜冇沙，白膳片脆肉爽口。.🥟 手作餃子、自家製手工丸佢哋嘅手作餃子幾有創意，例如咖喱、麻辣豬
.
我哋晚市去，有3款任食放題套餐，每個類別所包含嘅肉類不同。揀咗中間價位嘅B 餐特選安格斯牛 $238 (19:00-21:30入座)，任食120分鐘。
.
所有放題套餐都可以任食百幾款食物，包括肉類、海鮮、手作餃子手工丸、任食自助吧等。如果想食澳洲M5和牛，就要揀最貴嘅C餐先有喇！
.
🥣 湯底
有18款湯底選擇，揀咗坊間比較少見嘅一鍋潮汕鍋，用上大地魚及豆卜、冬菇、咸菜、大蒜等多種材料熬製，湯底味道鮮甜。
.
🐮 牛類
牛肉色澤鮮艷幾新鮮，安格斯牛板腱及封門柳油脂分布均勻，肉質幼嫩。牛小排牛味濃郁，牛脷心托口感爽脆。
.
🐷 豬類
西班牙栗飼豬肉肥瘦適中，口感軟腍油潤。其他選擇仲有金錢肚、炸酥肉、豬皮、豬粉腸等。
.
🐑 羊類
紐西蘭羊肉卷肉質軟嫩，唔會有羊膻味。
.
🐔 其他肉類
另外仲有多款雞肉，同埋比較少有嘅田雞肉。
.
🦐 海鮮
海鮮有魚蝦貝類等，推介：海蝦肉質新鮮爽彈，用竹簽串起食起嚟好方便。花膠超大塊又厚身，口感滑溜。珍珠貝鮮甜冇沙，白膳片脆肉爽口。
.
🥟 手作餃子、自家製手工丸
佢哋嘅手作餃子幾有創意，例如咖喱、麻辣豬肉餃，不過太多其他嘢食，最後太飽無叫到！
自家製手工丸推介珍寶蝦滑、蟹籽墨魚滑、蟹籽蝦滑釀冬菇，全部都幾彈牙，質素唔錯。另外仲有好幾款手工丸都係太飽無試到！
.
💚 素食類及其他
除咗火鍋唔少得嘅響鈴、枝竹、牛柏葉、鴨血等，仲有特別啲嘅金蟲草孢子、鮮淮山、8吋長蟹棒等，不能盡錄。
.
👅 任食自助吧
有多款調味醬料、火鍋配料、前菜、熱食、蔬菜、飲品及雪糕機，非常豐富。
.
🍥 火鍋配料有好多唔同嘅丸類、腸仔、菇類、麵食等。
.
🥬 蔬菜都有好幾款，放喺雪櫃入面非常新鮮，有火鍋比較少見嘅羽衣甘藍，聽講有時仲會有冰菜，不過嗰日就無喇！
.
🥗 前菜有沙律菜、凍蝦、白雲鳳爪、麻辣豬耳、醬油秋葵、韓式醃蘿蔔粒等。
.
🍲 熱食有一鍋麻辣鴨血三寶、炸魚皮、冬陰功湯安格斯牛肉等，推介麻辣三寶，內有鴨血、魚腐、滷豆腐，食落麻辣惹味！
.
🍹 飲品除咗供應多款紙包飲品罐裝汽水之外，必試4款自家製有營花果茶：薄荷烏龍茶、冰糖燉檸檬、洛神花茶、蝶豆花茶，味道天然，解渴解膩。
.
🍦 甜品
最後食杯牛奶軟雪糕，劃上完美句號(*˘︶˘*)
.
總括而言：店內裝修走日式簡約風格，空間非常寬敞闊落。用餐以卡位為主，有多個香港潮語打卡位，門口仲有一個「吃飽才有力氣減肥」嘅打卡位，完全係Moonba嘅心聲ʕ•ᴥ•ʔ
食物選擇非常多而且質素相當不錯，以價錢來講性價比高。淨係食肉類同海鮮已經勁飽，其他食物好多都冇試到，有少少可惜，下次再去食過！
张贴
