青雪商店

如果想出pool 建議帶心儀對象去天后青雪商店
跟據門口指示牌做法 食完拉麵應該可以成功😆
除左有幾款固定湯底之外 每星期都有唔同限定
可能下次又有唔同驚喜 留意番 小店只收現金

朋友點左雞白湯拉麵 試左一啖湯底真係好濃厚
叉燒好大塊 雞胸都好嫩 最後成碗湯清晒

我就點左「每周限定」嘅冬蔭功龍蝦湯拉麵
少少辣幾惹味 蝦身去殼食得方便 隻溏心蛋勁正
拉麵較粗身 口感幾煙韌又掛湯

小食我覺得必點醬油鮑魚 雖然醬油味唔係好濃
但鮑魚好大隻好大厚肉 鮮嫩彈牙