影片
更多
2023-10-20
81 浏览
極濃厚湯底🤪！平時一到lunchtime呢間拉麵就keep住有人龍排隊，招牌主打兩款口味，豚骨同牛筋拉麵🍜間唔時仲有期間限定款，可惜最愛嘅山椒拉麵而家已經冇咗🥲不過十月有新優惠，凡嗌一碗拉麵同follow黑龍拉麵IG，即送餃子2隻-👍🏻牛筋BLACK拉麵 $98牛筋拉麵真係少見有特色，有啲中日fusion感覺🤣牛筋非常軟腍黏口，以醬汁炆煮得好入味湯底同原味豚骨湯差唔多，不過加入牛筋後令湯底比起普通豚骨湯更加杰身同有隱若嘅醬油味叉燒厚薄適中，肥瘦相間，肥膏入口即溶，肉質軟嫩，但調味略嫌有啲單調溏心蛋就一般，流心但唔算好入味拉麵可揀軟硬度，超級掛湯，直頭好似沾麵咁😆味道：8/10性價比：7/10-👍🏻黑龍豚骨拉麵 $88另一招牌，湯底同樣非常濃郁漿口，唔同嘅係呢款有得揀辣度🤪辣醬揀咗基本量，偏向似七味粉嘅日式辣味，加少少辣吊下味係好食啲呢碗冇溏心蛋，但叉燒就有兩大塊，仲有味筍同紫菜味筍有少少黑椒味，夠爽口紫菜有別於一般拉麵店嘅原塊紫菜，而係好似港式粉麵紫菜湯嗰種，更掛湯味道：8/10性價比：7/10-👍🏻黑龍叉燒飯(大) $98叉燒切粒，醬汁煮得均勻入味，味道偏向日式醬油味甜甜地肉質比起港
間唔時仲有期間限定款，可惜最愛嘅山椒拉麵而家已經冇咗🥲
不過十月有新優惠，凡嗌一碗拉麵同follow黑龍拉麵IG，即送餃子2隻
-
👍🏻牛筋BLACK拉麵 $98
牛筋拉麵真係少見有特色，有啲中日fusion感覺🤣
牛筋非常軟腍黏口，以醬汁炆煮得好入味
湯底同原味豚骨湯差唔多，不過加入牛筋後令湯底比起普通豚骨湯更加杰身同有隱若嘅醬油味
叉燒厚薄適中，肥瘦相間，肥膏入口即溶，肉質軟嫩，但調味略嫌有啲單調
溏心蛋就一般，流心但唔算好入味
拉麵可揀軟硬度，超級掛湯，直頭好似沾麵咁😆
味道：8/10
性價比：7/10
-
👍🏻黑龍豚骨拉麵 $88
另一招牌，湯底同樣非常濃郁漿口，唔同嘅係呢款有得揀辣度🤪
辣醬揀咗基本量，偏向似七味粉嘅日式辣味，加少少辣吊下味係好食啲
呢碗冇溏心蛋，但叉燒就有兩大塊，仲有味筍同紫菜
味筍有少少黑椒味，夠爽口
紫菜有別於一般拉麵店嘅原塊紫菜，而係好似港式粉麵紫菜湯嗰種，更掛湯
味道：8/10
性價比：7/10
-
👍🏻黑龍叉燒飯(大) $98
叉燒切粒，醬汁煮得均勻入味，味道偏向日式醬油味甜甜地
肉質比起港式叉燒腍身，連住適量肥膏，入口即溶脂香重，唯一係飯底偏濕少少
味道：8/10
性價比：7/10
-
整體拉麵湯底比起其他鋪頭濃稠，亦較為濃味，較適合鍾意極濃厚湯底嘅朋友😆
如果想飲埋湯，可以問店員拎鰹魚上湯，自行調教濃度
-
📍#黑龍拉麵 @kokuryuramen_wanchai
灣仔汕頭街29號地舖
张贴
