影片
更多
2023-04-16
58 浏览
觀塘工業大廈樓上有唔少隱世小店，今次嚟到呢間由台灣人開嘅台灣人氣餐廳，位置都唔錯，平日夜晚嚟到已經全場爆滿，人氣爆燈！店鋪裝修係台式小清新風格，入面周圍都有台灣特色，四周都係有關台灣景點嘅壁畫同埋海報嗰啲，收銀附近仲有啲出名嘅台劇粉筆畫🎞️，令到青春嘅回憶返晒嚟～同場加映仲有一隻貓貓店主坐鎮🐱，不過想探佢可能就要揀少人啲嘅時段嚟啦～------------------------------🍜◖豐盛台灣牛肉湯麵◗ $78呢碗牛肉麵有牛展，仲有牛筋、牛腩、香菇貢丸同花枝丸，牛肉各有特色，好入味而且口感軟腍；兩款丸類都好出色，用料好足食落好香！至於個麵底方面，個人覺得偏軟差咁啲口感，同埋配菜份量唔太夠喉～🧆◖鮮梅佐豬排滷肉飯◗ $68豬排炸得好脆口，醃製嘅味道好入味，配埋個梅汁，酸酸甜甜可以減輕炸豬排嘅膩感，又開胃！滷肉飯上面淋滿滷肉汁，加上幾塊切碎嘅滷肉，配白飯一流～🍧◖嘎嘎脆芋頭愛花生◗ $99呢個刨冰係佢嘅隱藏Menu入面，佢係粗粒刨冰而且超級大碗又多料！上面放咗一個脆雪糕筒，裏面有一球香芋雪糕；醬汁底就係低糖仙草糖水同黃豆粉，另外有啲番薯、芋頭、紫薯芋圓，都幾煙韌，加上特濃花生奶蓋同
------------------------------
🍜◖豐盛台灣牛肉湯麵◗ $78
呢碗牛肉麵有牛展，仲有牛筋、牛腩、香菇貢丸同花枝丸，牛肉各有特色，好入味而且口感軟腍；兩款丸類都好出色，用料好足食落好香！至於個麵底方面，個人覺得偏軟差咁啲口感，同埋配菜份量唔太夠喉～
🧆◖鮮梅佐豬排滷肉飯◗ $68
豬排炸得好脆口，醃製嘅味道好入味，配埋個梅汁，酸酸甜甜可以減輕炸豬排嘅膩感，又開胃！滷肉飯上面淋滿滷肉汁，加上幾塊切碎嘅滷肉，配白飯一流～
🍧◖嘎嘎脆芋頭愛花生◗ $99
呢個刨冰係佢嘅隱藏Menu入面，佢係粗粒刨冰而且超級大碗又多料！上面放咗一個脆雪糕筒，裏面有一球香芋雪糕；醬汁底就係低糖仙草糖水同黃豆粉，另外有啲番薯、芋頭、紫薯芋圓，都幾煙韌，加上特濃花生奶蓋同紅豆，同個刨冰一齊食，甜甜地又有咬口，幾樣材料配合一齊好夾！
🍋◖鮮榨檸檬椰果多多◗ $48
呢杯嘢飲都幾大杯，可以慢慢倒出嚟飲，初時覺得冇咩檸檬味，浸一浸後期檸檬味出晒嚟，飲到尾味道會偏酸，杯底啲椰果豐富口感，幾好飲～
🥛◖黑糖芋芋鮮奶◗ $49
呢杯嘢飲入面嘅芋泥好多，似多左份甜品咁，可以一羹一羹舀出來食，口感軟綿帶有少少顆粒感，配埋黑糖同鮮奶，香味更加有層次，好有台灣風味～
🌟 Encore指數：8.5/10
张贴
