青花 (THE FOREST)

呢間泰國菜真係好啱打卡，環境靚好多花花草草咁，雲石枱又靚，喺度食野心情都靚啲。午餐揀左豬頸肉媽媽麵，湯底係泰式冬蔭功味，仲有煎香左嘅豬頸肉，豬頸肉夠晒爽口，蜆又鮮甜，仲有扎肉同生蛋，好有泰式風味。餐飲揀左好靚嘅蝶豆花飲品，少少酸顏色又靚，勁多女仔都飲呢杯。另外跟餐叫左份小食拼盤，全部都好香口，最鍾意泰式魚餅，入面好多香料，加埋泰式雞醬好滋味。迷你雞鎚雞皮好脆，肉質都幾滑多汁，跟餐優惠價都算抵食嘅。