影片
更多
2021-09-23
507 浏览
嘉多利餅屋 嘉多利餅屋呢間餐廳應該大家都熟悉。由天然酵種麵包，傳統港式麵包，餐肉炒蛋包，造型蛋糕到法式麵包布甸，呢間餐廳有好多地方都吸引到人來消費。 我去到為咗法式布甸，山長水遠出到去油麻地。我睇網上寫話油麻地分店五點鐘出爐，你知香港人幾L鐘意排隊架啦，所以我4:20就去到。去到就見到一早會預咗嘅長龍，但點知條龍4:35咗右就開始移動，說好的五點出爐呢！?當時我排到頭4位，但點知己經賣哂，最後空手而回。 第二次我己經唔再相信網上嘅野，所以我四點鐘就到，條龍比上次長，但點知4:05分己經開始移動。4:15分就好好彩地買到啦。返到屋企連五點都未到。 我為咗將呢個近期熱物品嘗得徹徹底底。我準備咗四種食法。 1.原味(室温) 布甸其實材料好簡單，得奶，糖，cream，同vanilla。但比例同整法就非常博大精深。 布甸質感非常滑溜，用口一索就會化開。亦過篩過得夠，中間冇D好細嘅bubble。聞落有非常香嘅vanilla 同蛋味。至於味道，佢將所有食材嘅比例都調得恰到好處。一入口先有奶，蛋同cream 嘅味打頭炮，之後就有一浸淡淡然嘅vanilla 香散播出黎。味道豐厚，奶味，蛋味非常濃郁，甜度
嘉多利餅屋呢間餐廳應該大家都熟悉。由天然酵種麵包，傳統港式麵包，餐肉炒蛋包，造型蛋糕到法式麵包布甸，呢間餐廳有好多地方都吸引到人來消費。
我去到為咗法式布甸，山長水遠出到去油麻地。我睇網上寫話油麻地分店五點鐘出爐，你知香港人幾L鐘意排隊架啦，所以我4:20就去到。去到就見到一早會預咗嘅長龍，但點知條龍4:35咗右就開始移動，說好的五點出爐呢！?當時我排到頭4位，但點知己經賣哂，最後空手而回。
第二次我己經唔再相信網上嘅野，所以我四點鐘就到，條龍比上次長，但點知4:05分己經開始移動。4:15分就好好彩地買到啦。返到屋企連五點都未到。
我為咗將呢個近期熱物品嘗得徹徹底底。我準備咗四種食法。
1.原味(室温)
布甸其實材料好簡單，得奶，糖，cream，同vanilla。但比例同整法就非常博大精深。
布甸質感非常滑溜，用口一索就會化開。亦過篩過得夠，中間冇D好細嘅bubble。聞落有非常香嘅vanilla 同蛋味。至於味道，佢將所有食材嘅比例都調得恰到好處。一入口先有奶，蛋同cream 嘅味打頭炮，之後就有一浸淡淡然嘅vanilla 香散播出黎。味道豐厚，奶味，蛋味非常濃郁，甜度適中。
麵包質感煙韌，有麵粉香之除仲有浸好淡嘅酸味，係天然酵母麵種嘅威力。雖然話係法包，但佢個皮唔硬wor。
食完真心覺得係值得排隊嘅。
2.雪藏
雪藏之後麵包更加煙韌，布甸冇咗流心嘅效果，食落凍凍地，我就覺得一般。
3.焗
焗咗之後麵包皮香脆，麵粉香變得更明顯，布甸一切開就好流心，布甸面頭顏色變得更黃，更突顯蛋香。幾推介呢個做法。
4.焦糖化
我食原味嘅時候覺得差咗D野，就係層焦糖皮。咁啱屋企有個火槍，我就將糖均勻放去面頭，再將火熗對準去燒，但唔小心燒燶咗個包邊。味道大家都想像到啦，就係焦糖燉蛋lor。
法式麵包布丁
$15
20 浏览
0 赞好
0 留言
张贴
