小麻吉滷肉飯 (已結業)

環境裝修簡單整潔，感覺舒服。開舖小故事更為「小麻吉」添上一份人情味。午市餐三丶四十蚊連熱飲，價錢合理，勁多學生幫趁。訂製碟子雖未見精緻但有誠意。試落滷肉對辦但冇驚喜，珍珠米飽滿索汁，配菜亦中規中距。至於主角「秘製香酥排骨」呢......食得出調味係正宗台灣味，不過排骨實在太薄，炸漿乾身但未夠脆，問題出現喺股酸味度。可能大廚為應付午市人流，一早解凍醃定但冇擺雪櫃。作為食店，始終味道行先。中學麻甩仔可能有肉食有炸嘢就收貨。但如果對食物有要求，咁就真係僅僅合格喇！