一風堂 (新港中心) (已結業)

今日相約太座到一風堂食個午飯，兩點去到竟然唔駛等位，坐下點了兩個麵，一客餃子同一杯飲品。白丸拉麵：太座喜歡試原味，一來到我也拿了一更試試，豬骨味是有的，但不夠「秀」及「豚王」濃郁，湯本身不夠「厚身」，但同時嘗到一陣甜味；大膽假設湯頭下了味精，容後自有分曉... 辣味噌肉醬拉麵：日本人辣度水平，不過吃來總算野味！兩碗拉麵的叉燒都是肥瘦均勻，囗感十足！麵本身亦煮得彈牙爽囗，兩者都比「豚王」出色！餃子水準中高但無甚特別，不談。埋單，味精感覺頗強烈，應為喉嚨幾「確」吓！不過可能就係多了這些鮮甜味，才能滿足香港食客「囗味」。提外話，原來香港一風堂係日本總店同香港美集團協辦，希望唔好變成另一間「味千」。