金公館 (康怡廣場北座)

营业中

休息中

今晚嚟到太古康怡廣場嘅金公館，一次過嘗試吓京川粵菜。頭盤叫咗個雞絲粉皮，胡麻鮮淮山，仲有我最鍾意嘅椒鹽九肚魚，質素都唔錯，特別係椒鹽九肚魚，炸粉唔會太厚，九肚魚味突出。之後再叫咗個靈芝菇萵筍絲，我從來未食過呢一種菜，感覺好新鮮。然後，就係今晚嘅主角烤北京填鴨半隻，北京填鴨皮脆，肉厚，唔會太多肥膏，正合我心意。特別鍾意有桂花嘅醬，甜甜地，好適合。今日特別想食甜品，好彩中餐廳嘅甜品都唔錯，我哋叫咗雷沙湯丸，入面熱辣辣嘅芝麻超級好味，又叫咗杞子桂花糕同桂花冰粉，特別適合而家越嚟越熱嘅天氣。