慢煮屋 (已搬遷) 新店位置

今日同朋友黎到駱駝漆大廈搵野食，知道開左間唔錯既慢煮食物，一於上黎試試。地方唔算太大，大約10張枱，有個open kitchen, 好彩當日唔算太多人，可以慢慢享受。員工都好好送上熱茶。Menu選擇其實唔算多，魚，豬，雞，牛丼set, 套餐配左一個湯同前菜。今次既湯係南瓜湯，好濃味。等既時間around15分鐘，可以邊傾計邊等。我叫左個照燒鳥肉芝士爆丼，簡單來說即係雞飯，本身係跟流心蛋，我轉左煎蛋。濃郁既芝士味，雞肉燒得剛好，唔會鞋。朋友叫左慢煮火炙牛腹扒丼，睇個樣都好吸引，慢煮牛採用鮮紐西蘭牛肉，肉味夠濃，份量又多，撈埋蛋漿一齊食，又係另一番風味。總括黎講，唔怕等得耐，可以同朋友談下心享受慢煮生活，係可以黎試下。