HIKARI

好耐冇去荃灣，新開咗間cafe都唔知~見門面好靚，係日系小清新感，迫不及待想同朋友入去試下~入面有兩層，下層有大大塊落地玻璃，陽光直射到橘色的楠木桌椅上，一切係咁溫暖光明~朋友減肥，叫咗慢煮雞胸青蘋果沙律，非常健康嘅選擇！雞胸好厚好大塊，仲保留微暖的溫度，配合新鮮的蔬菜、酸酸甜甜的青蘋果同充滿口感嘅瓜子，開胃又滋味~朋友話食完都幾飽肚，仲要完全冇罪惡感！我就嗌咗煙三文魚青醬意粉~要畀個like呢到嘅意粉，煮得岩岩好，煙韌有硬度，屬正宗出色的意粉！同樣係暖暖哋，份量剛剛好，正！最後就係呢杯Charcoal Latte，感覺好少地方可以飲~送上嚟好靚，好似水墨畫咁~第一次試，原來入口嘅質感幾特別~似係有一啲細小嘅顆粒感，沙沙哋，但唔會唔舒服，而係覺得好得意！