影片
更多
2021-10-09
143 浏览
餐廳：MEMOIR (銅鑼灣)地址：銅鑼灣登龍街28號永光中心17樓現實實在有太多令人煩亂同不安嘅事攪擾住我哋，有時候我哋會憂慮一啲其實無必要焦慮嘅事😩，而導致我哋無辦法享受呢一刻嘅生活，銅鑼灣呢間開咗一個幾星期嘅西日式fusion餐廳——MEMOIR @memoir.causewaybay ，希望客人可以同一齊嚟嘅親朋好友喺到共同締造一個美好嘅回憶，享受此時此刻👭👬餐廳周圍有唔少嘅金句，「Don’t wander to what’s coming next, cherish this moment」非常搶眼，亦都帶出咗餐廳嘅主題同理念，見到呢句金句，莫非你呢一刻仲要躊躇喺未知嘅事上面咩😌？餐廳仲有一幅流動嘅極光燈牆，望住佢嚟食嘢真係好治癒🥰店員介紹餐廳嘅特色菜式有原隻澳洲茄子🍆、日本廣島蠔燴意大利飯同日式芥辣帶子扁意粉🍝，不過前兩者都係晚市Set Menu入面嘅，所以我就試咗最尾一款😚。澳洲茄子一開二再釀入三色椒🫑、洋蔥🧅、蕃茄🍅、茄子粒等，出面真喺比較少見；日本廣島號燴意大利飯仲用咗蠔汁去燴飯，蠔嘅香味更加突出👍✝️日式芥辣帶子扁意粉 $158Wasabi比人嘅感覺喺好攻鼻同好辣，但
地址：銅鑼灣登龍街28號永光中心17樓
現實實在有太多令人煩亂同不安嘅事攪擾住我哋，有時候我哋會憂慮一啲其實無必要焦慮嘅事😩，而導致我哋無辦法享受呢一刻嘅生活，銅鑼灣呢間開咗一個幾星期嘅西日式fusion餐廳——MEMOIR @memoir.causewaybay ，希望客人可以同一齊嚟嘅親朋好友喺到共同締造一個美好嘅回憶，享受此時此刻👭👬
餐廳周圍有唔少嘅金句，「Don’t wander to what’s coming next, cherish this moment」非常搶眼，亦都帶出咗餐廳嘅主題同理念，見到呢句金句，莫非你呢一刻仲要躊躇喺未知嘅事上面咩😌？
餐廳仲有一幅流動嘅極光燈牆，望住佢嚟食嘢真係好治癒🥰
店員介紹餐廳嘅特色菜式有原隻澳洲茄子🍆、日本廣島蠔燴意大利飯同日式芥辣帶子扁意粉🍝，不過前兩者都係晚市Set Menu入面嘅，
所以我就試咗最尾一款😚。澳洲茄子一開二再釀入三色椒🫑、洋蔥🧅、蕃茄🍅、茄子粒等，出面真喺比較少見；日本廣島號燴意大利飯仲用咗蠔汁去燴飯，蠔嘅香味更加突出👍
✝️日式芥辣帶子扁意粉 $158
Wasabi比人嘅感覺喺好攻鼻同好辣，但估唔到餐廳將Wasabi加入呢個扁意粉之後，
成個味道係咁和諧😍，食落有Wasabi香，但係一啲都唔會覺得唔夾或者好嗆喉，反而幾香幾開胃食完一啖又一啖😋，面頭仲有三隻彈牙燒香過嘅帶子
✝️烤紐西蘭肉眼扒9oz配薯條 $188
9oz嘅紐西蘭肉眼扒叫咗6成熟🥩，肉眼喺牛胸背脊同肋骨之間嘅肌肉，
切開油脂同少少嘅血水輕輕融合，咬落肉質幼嫩比較多汁💦，大廚仲自家調製咗燒肉汁，加咗芝麻喺當中，甜甜哋嘅夾塊牛扒👍，配菜有加咗紫菜嘅脆薯條，不過個人就覺得略為有啲鹹🤏
✝️意式奶凍 (跟餐+$22)
Panna cotta嘅做法比一般牛奶布甸用嘅忌廉份量較多，食落口感厚實棉密同香濃🥛，不過餐廳就有方法令呢個奶凍無咁甜膩，就係加咗酸莓醬同黑莓喺奶凍上面作調味，唔鍾意食嘅人可以舀走，但我就鍾意每一啖奶凍加少少酸梅醬，balance返成個甜品嘅酸甜口感，食落仲無咁溜😎
飲品叫咗杯Fizzy Hojicha($68)同Fresh Lemonade($38)，我飲嘅Fizzy Hojicha喺焙茶加雪碧，平時焙茶加牛奶或者熱飲就比較常見，加雪碧都係第一次見😆，有啲似忌廉溝鮮奶嘅感覺，飲落幾fresh又有焙茶香，不過啲冰就有啲多，杯飲品放咗一段時間就變淡味咗，焙茶粉亦積聚咗喺底部，所以飲之前記得攪勻先喇😝
依家新張優惠無論用咩方法訂枱都有8折，快啲帶埋你認為重要嘅人上去製造一吓回憶啦🎞
张贴
