影片
更多
2012-06-14
198 浏览
4月7日, 復活節嘅星期六當然會想對自己好d, 喺屋企附近食都要搵間四四正正嘅好味野! 平時行過呢度都俾佢d好似好豐富嘅set lunch吸引, 不過價錢以同區咁多平餐廳嚟講就偏貴, 多數都係做平日寫字樓生意~ 所以今日紅日入面都唔係好多客, 就試一試~::: 燒豬仔脾配芥末籽燒汁伴薯蓉炒雜菜 ::: $98是日set lunch有4款選擇, 有齊牛豬魚雞呢d基本野, 另外成個set仲包餐湯、餐包、沙律、同飲品, 呢個價錢算係咁~ 餐湯、餐包同埋沙律一齊同碟上, 擺得都幾靚靚仔仔好整齊, 賣相幾呃得下人, 唔知味道又點呢? 沙律有菜有車厘茄同黃椒, 顏色繽紛, 睇色澤都知新鮮~ 味道都幾fresh, 加上落咗d黑醋汁, 酸酸甜甜更加醒胃~ 蒜蓉多士就麻麻地, 微凍又唔夠脆, 蒜蓉味薄弱, 又加埋d黑醋上去, 搞到個包酸酸地亦都唔夾個蒜蓉味… 湯呢我就要咗青豆蓉忌廉湯, 綠綠地色好重蔬菜味, 又食到d粒粒嘅青豆蓉, 而忌廉質地都幾濃郁, 加上而家好少餐廳忌廉湯會加梳打餅, 好懷念嘅感覺, 好飲!主菜有3隻肥大肉厚嘅燒豬仔脾~ 真係估唔到飲完湯食埋d沙律麵包, 已有少少飽肚嘅感覺, 再見到
::: 燒豬仔脾配芥末籽燒汁伴薯蓉炒雜菜 ::: $98
是日set lunch有4款選擇, 有齊牛豬魚雞呢d基本野, 另外成個set仲包餐湯、餐包、沙律、同飲品, 呢個價錢算係咁~
餐湯、餐包同埋沙律一齊同碟上, 擺得都幾靚靚仔仔好整齊, 賣相幾呃得下人, 唔知味道又點呢? 沙律有菜有車厘茄同黃椒, 顏色繽紛, 睇色澤都知新鮮~ 味道都幾fresh, 加上落咗d黑醋汁, 酸酸甜甜更加醒胃~ 蒜蓉多士就麻麻地, 微凍又唔夠脆, 蒜蓉味薄弱, 又加埋d黑醋上去, 搞到個包酸酸地亦都唔夾個蒜蓉味…
湯呢我就要咗青豆蓉忌廉湯, 綠綠地色好重蔬菜味, 又食到d粒粒嘅青豆蓉, 而忌廉質地都幾濃郁, 加上而家好少餐廳忌廉湯會加梳打餅, 好懷念嘅感覺, 好飲!
主菜有3隻肥大肉厚嘅燒豬仔脾~ 真係估唔到飲完湯食埋d沙律麵包, 已有少少飽肚嘅感覺, 再見到呢3隻豬仔脾, 已心知會捧住個肚走! 豬仔脾望落幾厚肉, 但係咬落d肉又唔係好實, 仲幾嫩添! 因為豬仔脾好有紋理, 所以好易咬得開, 質地有d似冇皮雞脾, 不過多咗一份紅肉嘅惹味. 加上肉同骨之間嘅少少肥膏, 少少油潤令口感更豐富~ 個汁雖然叫芥末籽燒汁, 但係芥末籽就真係食唔出, 反而燒汁個味都幾濃, 襯到個豬仔脾~ 除咗豬仔脾, 亦都要一講下個薯蓉, 質地好滑唔會食到一粒粒嘅薯仔. 再加埋個好惹味嘅燒汁, 嗰種美味真係好好食~ 炒雜菜普通咗d, 仲要竟然係中式炒法嘅荷蘭豆、蘿蔔、椰菜花… 仲有雲耳! 如果係露荀會襯番西式d囉…
熱咖啡香味都幾香, 飲落啡味唔太濃, 普普通通.
::: 香煎牛脷配香芒淡咖哩汁伴雜椒粒蛋炒飯 ::: $89
另一個set餐湯要咗意大利雜菜湯, 用上大量番茄、紅蘿蔔、洋蔥、西芹去熬製嘅湯味道充滿蔬菜清新氣味~ 當中番茄酸甜味最突出, 令人飲完之後更開胃之餘亦感覺輕盈健康! 雜菜沙律彩色繽紛, 品質新鮮入口爽脆~ 蒜蓉多士都幾大塊, 不過就同上一樣攤凍咗少少…
主菜嘅配搭絕對係創意同趣味嘅新嘗試~ 牛脷配咖哩汁仲要加芒果元素? 但其實唔係好食得出芒果味… 不過咖哩汁就比一般嘅甜一d. 牛脷份量頗多而且亦算厚切~ 塊塊都煎得外脆內軟, 肉質嫩滑牛味濃郁, 完全滿足到鐘意食牛脷嘅呀菲! 雜椒粒蛋炒飯炒得乾身, 賣相亦相當精美~ 不論雜椒同蛋都切成同飯粒大小相約嘅碎碎, 食落口感更一致, 雜椒淡淡香甜味亦充滿整個炒飯. 不過稍嫌咖哩汁太少, 蘸得到牛脷時又唔夠撈飯, 配菜d中式炒雜菜又係無乜汁… 搞到食到尾有d乾哽.
凍朱古力奶味頗重, 飲落真係幾似朱古力奶~ 不過好在唔會過甜, 叫做合格啦!
雖然價錢貴咗d, 不過計番個份量完全抵晒! 食完要捧住個肚走, 連甜品都食唔落~ 星期六日呢度人客比較少, 好處係夠靜, 仲可以揀本雜誌坐低慢慢睇慢慢食, 都幾寫意~ 餐廳風格同附近間tea & herbs都幾似, 但係嗰度就算weekend嘅lunchtime都一定好多人, 咁樣嚟呢度又會有別一番風味~
张贴
