影片
更多
2025-06-02
2304 浏览
終於來到號稱亞洲top1嘅 Bar Leone🥂沖住呢個響噹噹嘅名，一定要試下佢嘅酒究竟有幾好飲😎我哋晏晝5點半就去攞號一直等到8點幾，硬食3個鐘嘅飢餓遊戲 呢份誠意真係唔少喇！一推門係充滿老派街坊酒吧嘅設計，木牆上掛住意大利海報，教堂蠟燭點綴出復古氛圍🕯️色調冷暖適中，現代感同經典風格完美融合，打卡一流📸【FILTHY MARTINI🍸】喺Bar裡面幾乎人手一杯嘅煙熏橄欖martini 點知第一啖入口，真係「一言難盡」三個字衝上腦😅…橄欖煙熏味濃到似食緊煙燻肉，鹹到皺曬眉😣不過我個人真係接受唔到咁咸嘅酒或者係我唔識欣賞呢種「重口味藝術」啦...🤷♀️【OLIVE OIL SOUR 🍷 】呢杯鎮店招牌真係唔簡單👏橄欖油竟然成為雞尾酒主角，檸檬汁同蛋清打出慕斯質感，神奇嘅係油潤感被酸度完美平衡🧐初段酸得醒神，中後段油香慢慢滲出，尾韻帶陣陣蛋香，層次超級豐富 完全就係一杯有「故事」嘅酒📜【Mortadella Sanwich🥪】除咗酒，呢個三明治都係必試😍麵包表層酥脆，入面軟熟得黎帶點韌度🥖佛卡夏麵包夾住超級多嘅超薄Mortadella火腿片鹹香油脂感爆發，罪惡感+滿足感爆燈❤️💁♂️最後一定
我哋晏晝5點半就去攞號一直等到8點幾，硬食3個鐘嘅飢餓遊戲 呢份誠意真係唔少喇！
一推門係充滿老派街坊酒吧嘅設計，木牆上掛住意大利海報，教堂蠟燭點綴出復古氛圍🕯️
色調冷暖適中，現代感同經典風格完美融合，打卡一流📸
【FILTHY MARTINI🍸】
喺Bar裡面幾乎人手一杯嘅煙熏橄欖martini 點知第一啖入口，真係「一言難盡」三個字衝上腦😅…
橄欖煙熏味濃到似食緊煙燻肉，鹹到皺曬眉😣
不過我個人真係接受唔到咁咸嘅酒或者係我唔識欣賞呢種「重口味藝術」啦...🤷♀️
【OLIVE OIL SOUR 🍷 】
呢杯鎮店招牌真係唔簡單👏
橄欖油竟然成為雞尾酒主角，檸檬汁同蛋清打出慕斯質感，神奇嘅係油潤感被酸度完美平衡🧐
初段酸得醒神，中後段油香慢慢滲出，尾韻帶陣陣蛋香，層次超級豐富 完全就係一杯有「故事」嘅酒📜
【Mortadella Sanwich🥪】
除咗酒，呢個三明治都係必試😍
麵包表層酥脆，入面軟熟得黎帶點韌度🥖佛卡夏麵包夾住超級多嘅超薄Mortadella火腿片
鹹香油脂感爆發，罪惡感+滿足感爆燈❤️
💁♂️最後一定要大讚下佢哋嘅服務！
侍應態度親切得黎唔會過份熱情😁
如果揀唔到想飲咩，佢哋會根據你嘅口味推薦仲可以做 ‼️特調‼️
最貼心嘅係：如果試咗佢哋推薦或者特調嘅酒唔鍾意，竟然仲可以隨時換，真係太窩心啦 加分加到爆啦🥳
张贴
