影片
更多
2018-01-25
2285 浏览
今日放假特登去銅鑼灣試溫野菜，之前上youtubey見到有人介紹，好似好正咁，於是試下，本來想去其他兩間分店，但放題只有銅鑼灣分店有，唯有過黎。不過原來溫野菜都係牛角集團，牛角燒肉就食得多，佢嘅打邊爐係第一次。前一晚打算打電話預約，點知佢話full哂只接受walk in ,我唯有5點黎等，不過可能閒日又五點咁早，唔算多人，一去到都有枱入。揀左個最貴食得最多野食嘅鹿兒島和牛，449一人，未加一，湯底就點左牛骨湯，牛乳，同壽喜燒湯底，其實佢個湯底唔係難食，但我覺得佢啲湯底太濃味，蓋過哂啲牛肉味，令我覺得食邊隻肉都一樣味，已經不停叫佢加清水落湯底到，不過都改善唔到好多。另外，不推薦牛乳湯底，個人覺得同火鍋牛肉唔襯，牛骨湯有少少喊，壽喜燒甜得濟，不過用黎煮菜超正。一坐底就俾左堆頭盤你，等你每種牛都試下，又俾左盤熊豬梅肉我。講反牛肉，鹿兒島牛同澳洲m9都係和牛，m9會重牛味少少，鹿兒島牛就脂肪味重啲，不過我真係覺得應該係湯底累事，令牛肉味大減，浪費左啲靚牛。其他食物，免治雞肉幾特別，打碎雞肉同雞軟骨，唔錯。另外個芝士片都好正，用黎加上啲麵到或就咁食都好正，好似pizza啲芝心咁。餃子兩種都麻麻，
前一晚打算打電話預約，點知佢話full哂只接受walk in ,我唯有5點黎等，不過可能閒日又五點咁早，唔算多人，一去到都有枱入。
揀左個最貴食得最多野食嘅鹿兒島和牛，449一人，未加一，湯底就點左牛骨湯，牛乳，同壽喜燒湯底，其實佢個湯底唔係難食，但我覺得佢啲湯底太濃味，蓋過哂啲牛肉味，令我覺得食邊隻肉都一樣味，已經不停叫佢加清水落湯底到，不過都改善唔到好多。另外，不推薦牛乳湯底，個人覺得同火鍋牛肉唔襯，牛骨湯有少少喊，壽喜燒甜得濟，不過用黎煮菜超正。
一坐底就俾左堆頭盤你，等你每種牛都試下，又俾左盤熊豬梅肉我。
講反牛肉，鹿兒島牛同澳洲m9都係和牛，m9會重牛味少少，鹿兒島牛就脂肪味重啲，不過我真係覺得應該係湯底累事，令牛肉味大減，浪費左啲靚牛。
其他食物，免治雞肉幾特別，打碎雞肉同雞軟骨，唔錯。另外個芝士片都好正，用黎加上啲麵到或就咁食都好正，好似pizza啲芝心咁。餃子兩種都麻麻，日式年糕拎黎火鍋都係麻麻。另外雞肉都ok,豬肉我就只食左熊本豬梅肉，腩肉同肩，梅肉冇咩肉味，其他兩種都ok.
飲品都有品質，同牛角食果啲一：樣啦，唔會差。
兩個鐘任食，服務態度好好，又會主動幫你執野，又唔會吹你走，不過唯一覺得失望嘅就係湯底，可能係我唔識揀，白白浪費左啲靚牛掛。
不過價錢太貴，449未加一，但食品種類雖說有64種，但應該加啲海鮮入list，否則就貴左啲。
鹿兒島牛
42 浏览
0 赞好
0 留言
m9澳洲和牛
37 浏览
0 赞好
0 留言
张贴
