影片
更多
2025-05-26
59 浏览
最近喺英國去咗China Town m&m 有勁多五顏六色嘅豆，買咗嚟送俾朋友，佢話禮尚往來，帶翻我去食一樣嘅嘢。但係我唔想食甜品喎。原來係五顏六色嘅poke bowl。 🍖同糖果一樣，poke顏色都繫色彩斑斕，但係相比之下就比糖果健康好多，甚至乎可以話係均衡。其中一個叫嘅係classic tuna，我仲額外加咗三文魚同豆腐，配合飯底。本身佢已經包含咗芒果，牛油果同青瓜，纖維十足。而家有兩種刺身魚同埋豆腐，味道配合得相當之好，健康得嚟又非常之吸晴。 🍖另一個我就叫咗牛肉溫泉蛋配沙律菜，牛肉係熱嘅，但係出奇地冇影響到成個bowl嘅配合度。牛肉炆得非常之淋，同本身跟餐嘅芒果同番茄粒又係非常之夾，尤其系芒果同蕃茄酸酸甜甜咁，同有醋汁嘅沙律菜如出一轍。喺甘開胃嘅配搭之下，雖然牛肉份量好多，但係都好快食完。我最欣賞系個溫泉蛋，佢係切開嘅時候唔係流出嚟，而係呈現半液態狀況，所以蛋汁一啲都冇流失，仲有一流嘅口感。 🍖最後，不得不提嘅係兩杯乳酪飲品，火龍果同芒果。健康又清爽，顏色又係一樣咁繽紛。仲有嗰個唔係油炸嘅蝦丸，爽口得嚟，繼續配合全餐健康，冇油嘅感覺。 呢一日無論眼睛睇得舒服，食落肚胃部亦都消化
🍖同糖果一樣，poke顏色都繫色彩斑斕，但係相比之下就比糖果健康好多，甚至乎可以話係均衡。其中一個叫嘅係classic tuna，我仲額外加咗三文魚同豆腐，配合飯底。本身佢已經包含咗芒果，牛油果同青瓜，纖維十足。而家有兩種刺身魚同埋豆腐，味道配合得相當之好，健康得嚟又非常之吸晴。
🍖另一個我就叫咗牛肉溫泉蛋配沙律菜，牛肉係熱嘅，但係出奇地冇影響到成個bowl嘅配合度。牛肉炆得非常之淋，同本身跟餐嘅芒果同番茄粒又係非常之夾，尤其系芒果同蕃茄酸酸甜甜咁，同有醋汁嘅沙律菜如出一轍。喺甘開胃嘅配搭之下，雖然牛肉份量好多，但係都好快食完。我最欣賞系個溫泉蛋，佢係切開嘅時候唔係流出嚟，而係呈現半液態狀況，所以蛋汁一啲都冇流失，仲有一流嘅口感。
🍖最後，不得不提嘅係兩杯乳酪飲品，火龍果同芒果。健康又清爽，顏色又係一樣咁繽紛。仲有嗰個唔係油炸嘅蝦丸，爽口得嚟，繼續配合全餐健康，冇油嘅感覺。
呢一日無論眼睛睇得舒服，食落肚胃部亦都消化得舒服，係非常之健康既一餐。
张贴
