石亭居酒屋

营业中

休息中

今晚同朋友兩個人去尖沙咀石亭居酒屋食飯，環境唔錯！刺身真係冇得頂，好新鮮，好鮮甜，分別食左北寄貝、油甘魚、蝦、鯛魚、帶子同太魚，個人特別喜愛佢個鮮帶子！清甜爽口睇下幾大粒就知啦！另外亦都食左和牛串燒同雞肝，雞肝個人喜好麻麻，都係朋友愛吃嘅，但係個和牛真係好好食、好好食、好好食！口感好好、燒出黎味道好出，必點！另外個七味魚翅都唔錯，送酒一流，佢唔係平時出街食會痴住個口果隻，而咬落係鬆同爽，唔會好硬。壽司方面叫左拖羅同炙燒拖羅，兩個都好鮮好好食，但炙燒嘅香係分外突出，好少有係燒到我就咁食飯團都唔錯！食左咁多肉，叫左個雜菜湯烏冬，湯清清地，唔太特別。總結：刺生、串燒、拖羅一流不過兩個人食到lamlam脷都係食唔晒大家食就住份量叫啦！