新輝潮州粉麵

营业中

休息中

今日入屯門做義工，咁要食飽啲先有力，但又要快靚正，係蝴蝶廣場附近冬菇亭見到呢間潮州粉麵，睇餐牌唔貴喎，仲要啲位望落都企企理理，啱晒！好，坐低睇下有咩好食先。上湯鮮蝦雲吞麵，都係32蚊，上到枱估唔到有5隻大雲吞大大碗，非常之抵食。雲吞皮薄，透視到裡面粉色蝦肉，蝦味香又咬口，好味味！河粉又有光澤有少少油光，食落爽口又滑口，配菜仲有條生菜，以食過雲吞麵黎計，呢度都真係性價比高高高。飲品加5蚊仲有檸檬菜蜜，普通熱飲都只係加3蚊，good!