影片
更多
2022-02-21
5180 浏览
到底咩叫做「機緣巧合」之下試到某間餐廳？就係早排同友人book咗另一fine dining，滿心歡喜準備到訪前一日餐廳打黎話有staff係緊密接觸者？！°ࡇ° 臨時臨急要轉地方，點知用餐過後發現依份「機緣巧合」出奇地亮麗，已打算二訪♡𖤐❝3-course weekday lunch❞ ($498 + 10％ → $548)𖤐♡ 前菜 - 焗洋蔥湯係法國浪遊嘅日子理所當然地會以焗洋蔥湯暖胃，但係香港就甚少享用正宗法式焗洋蔥湯，所以見到有法包同芝士係湯入面幸福感突然滿瀉～焗洋蔥湯質地濃稠﹑調味同香料都偏重手但未算完全掩蓋洋蔥鮮味，芝士小部份融化於湯內，其餘芝士呈現出拉絲效果。♡ 主菜 - 6oz免翁牛柳免翁牛柳係牛肉入面被視為最嫩滑嘅部份，入口無筋無渣，油脂感偏低，肉味偏濃。medium rare嘅牛柳係無過熟嘅情況底下牛柳切開呈現出應有嘅粉嫩色澤，肉汁加上面頭嘅特調醬汁同芝士，配合起上黎令味道口感都更為豐富。個人推介配合埋side dish忌廉菠菜同牛柳一口享用，更有層次感。♡ 配菜 - 忌廉菠菜﹑芝士黑松露炸薯條（to share）忌廉菠菜看似簡單，但餐廳係處理依個配角方面都保持高水準
𖤐
❝3-course weekday lunch❞ ($498 + 10％ → $548)
𖤐
♡ 前菜 - 焗洋蔥湯
係法國浪遊嘅日子理所當然地會以焗洋蔥湯暖胃，但係香港就甚少享用正宗法式焗洋蔥湯，所以見到有法包同芝士係湯入面幸福感突然滿瀉～焗洋蔥湯質地濃稠﹑調味同香料都偏重手但未算完全掩蓋洋蔥鮮味，芝士小部份融化於湯內，其餘芝士呈現出拉絲效果。
♡ 主菜 - 6oz免翁牛柳
免翁牛柳係牛肉入面被視為最嫩滑嘅部份，入口無筋無渣，油脂感偏低，肉味偏濃。medium rare嘅牛柳係無過熟嘅情況底下牛柳切開呈現出應有嘅粉嫩色澤，肉汁加上面頭嘅特調醬汁同芝士，配合起上黎令味道口感都更為豐富。個人推介配合埋side dish忌廉菠菜同牛柳一口享用，更有層次感。
♡ 配菜 - 忌廉菠菜﹑芝士黑松露炸薯條（to share）
忌廉菠菜看似簡單，但餐廳係處理依個配角方面都保持高水準，餐廳做到嘅magic balance唔止係忌廉同菠菜份量平衡得宜，更加係在於每一口忌廉菠菜竟然有神奇的空氣感，驚喜滿滿。反觀芝士黑松露炸薯條水準只屬正常發揮，幼身薯條炸得偏硬身，帶些少脆口，芝士碎主要係係整份炸薯條嘅面頭先見到，黑松露味道亦未見突出。
♡ 甜品 - Crème Brûlée
有睇過之前嘅post可能都知道我係crème brûlée狂人～～只要menu有佢嘅出現其他選項都淪為配角。餐廳出品嘅crème brûlée質地偏流質，口感順滑，蛋香濃厚，焦糖食落帶一絲絲微苦（係係法國會食到嘅味道！香港部份餐廳似乎會刻意將焦糖苦味減去？）。
（題外話杯lemon drop非常好飲～～🍸）
𓂃𓈒 𓂂𓏸 用餐提示 𓏸𓂂 𓈒𓂃
餐廳景觀望正維港，天氣好時或晚上到訪風景必定更佳。可於訂座時嘗試禮貌地request要window-side座位，但都要明白餐廳未必可以滿足到所有客人要求哦～到訪當日staff都非常友善而專業，用餐體驗良好。
暫時未知道上述weekday lunch menu會做到幾時，有留意開依間餐廳都知道平時嘅價位係高過以上價錢一截，所以如果平日有空閒時間黎用餐嘅話非常推薦把握機會去試一試！
张贴
